Publikuar me : 17.02.2012 Ne :
Sociale - 83 Lexime. Origjina : Gazeta Shekulli
Nëse e pëlqeni kafen, atëherë mundësitë për t’u prekur nga diabeti i tipit 2 janë shumë të vogla. Këtë përfundim ka arritur një studim i Universitetit të Shkencës dhe Teknologjisë në Kinë. Sipas tij, çdo filxhan kafe i konsumuar e redukton me 7 për qind mundësinë e prekjes nga sëmundja që po “përparon” çdo ditë.
Studiuesit kinezë kanë arritur të kuptojnë lidhjen mes konsumit të përditshëm te kafes dhe reduktimit të mundësisë së prekjes nga sëmundja kronike e diabetit.
Studimi është bazuar në vëzhgimin e substancës së emërtuar amiloid islet polipeptid, nivelet e të cilës lidhen me mosfunksionimin e pankreasit, gjë që mund të korrigjohet nga kafeina.
Efektet pozitive të kafes në sëmundjen e diabetit kanë dalë në dritë edhe nga një tjetër studim amerikan, i cili kishte analizuar glikoproteinën plazmatike SHBG, e lidhur ngushtë me aktivitetin biologjik të hormonve seksuale. Në këtë mënyrë, parandalimi i diabetit mund të kalojë përmes një prej pijeve më të dashura për njerëzit në mbarë botën. Por kujdes, mos e teproni! Më shumë se dy filxhanë në ditë mund të japin efekte anësore. /
Gazmira Ndoja
Shukri Klinaku / Foto "Koha Ditore"
Një fizikant kosovar pretendon se ka gjetur disa pasaktësi në teoritë e babait të fizikës, Ajnjshtajn. Madje, Shukri Klinaku, profesor i fizikës në Fakultetin e Edukimit në Universitetin e Prishtinës, i ka mbledhur të gjitha “gabimet” e Ajnshtajnit në një libër, të cilin e ka promovuar ditën e djeshme në Bibliotekën Kombëtare dhe Universitare të Kosovës.
Në librin e tij “Lëvizja relative, shpjegimi i drejtë dhe gabimet...
