Ne menyre qe emigrantet shqiptar te mos udhetojne drejt Shqiperise dhe ta kene me te lehte per tu pajisur me dokumente identiteti, Ministri i Brendshem Lulzim Basha ka bere me dije se ne nje periudhe afatmesme pritet te hapen zyra te aplikimit per pasaportat biometrike dhe kartat e identitetit ne Rome, Milano, Athine e Selanik

Ne nje interviste per Radion Deutsche Welle, ministri Basha tha se eshte lene e hapur mundesia per hapjen e zyrave edhe ne poste te tjera konsullore te vendeve te BE-se nese do te jete e nevojshme

Kjo marreveshje eshte miratuar nga Keshilli i Ministrave dhe do ti paraqitet per miratim perfundimtar Parlamentit dhe menjehere pas botimit ne Fletoren Zyrtare do te nise procesi i aplikimit per kartat e pasaportat biometrike prane ketyre 4 posteve konsullore, ka thene Basha ne interviste.

Nderkaq Ministria e Brendshme ka njofuar sot se ne bashkepunim me kompanine koncesionare Aleat, kane bere te mundur zgjatjen e orareve per aplikimin per dokumenta identiteti prane zyrave te gjendjes civile

Si pasoje e fluksit te madh te shtetasve qe duan te pajisen me dokumenta, dhe per shmangien e rardheve te gjata, eshte vendosur qe zyrat e gjendjes civile do te qendrojne te hapura nga ora 08 30 deri 19 00 ne te gjithe vendin.

Ne njoftim thuhet se keto zyra do te jene te hapura dhe diten e shtune. Diten e diele do te jene te hapura zyrat e aplikimit ne 12 qytete qender qarku si dhe ne bashkite Kavaje, Lushnje, Sarande, Kamez si dhe ne komunen Paskuqan. Ne te njejten menyre do te punojne edhe zyrat e shperndarjes.

Ministria e Brendshme ka bere me dije se deri diten e djeshme kane aplikuar per pasaporte biometrike mbi 880 mije shtetas dhe jane prodhuar mbi 840 mije pasaporta biometrike.

********************

Rinis fluksi ne sportelet e pajisjeve me karta identiteti e pasaporta biometrike te shtetasve shqiptare. Ne qytete te ndryshme te vendit, kthimi i emigranteve per pushimet verore ka cuar edhe ne mbingarkese te zyrave, nderkohe qe kane dale ne pah edhe problemet, ku jo rralle punohet edhe me mungesa, si dhe nuk punohet ne fundjava, pavaresisht premtimeve perkatese. Nje gje e tille ka ndodhur dje ne qytetin e Vlores. Fluksi ka qene i madh, nderkohe qe jo te gjithe operatoret e sherbimit ishin ne pune. Kjo pasi nga 10 kompjutera qe u vendosen ne fillim te ketij projekti per aplikimin e pajisjen e shtetasve me pasaporta e karta identiteti, 5 prej ketyre kompjuterave kane dale jashte funksionit, si dhe jane larguar nga puna mjaft operatore. Si rrjedhoje, te henen para ketyre zyrave ka pasur perleshje mes qytetareve, te cilet shtynin njeri-tjetrin, duke u perpjekur te hynin te paret. Disa nga aplikuesit u shprehen se kishin nga tre dite qe kishin zene radhen qe ne 5 te mengjesit e ende nuk kishin mbaruar pune, duke kerkuar qe te shtohen operatoret e sherbimit, si dhe te zgjatet orari i veprimeve. Nga ana e firmes Aleat ishte premtuar se operatoret do te punonin edhe te shtunave dhe te dielave per te perballuar fluksin e emigranteve, por nderkohe nje gje e tille nuk ka ndodhur. Ne ditet ne vazhdim pritet te kete akoma nje fluks me te madh te personave te cilet duan te pajisen sipas ligjit me kartat e identitetit e pasaportat biometrike.