Publikuar me : 26.11.2011 Ne :
Politike - 82 Lexime. Origjina : Gazeta Shekulli
Me rastin e 99-vjetorit të pavarësisë së Tiranës, kryebashkiaku Basha ka zhvilluar një vizitë në shtëpinë-muze të piktorit Sali Shijakut, një ndër firmëtarët e parë të aktit të pavarësisë. Të pranishëm në takim ishin pasardhësit e atyre që 99 vjet më parë firmosën aktin e pavarësisë së Tiranës.
“Vizioni i etërve të Tiranës mbetet frymëzim për të gjithë brezat”, tha Basha. Duke u ndalur në afrimin e 100-vjetorit të pavarësisë së Shqipërisë, Basha u shpreh se qendra e aktiviteteve festive do të jetë pikërisht Tirana.
“Sot hapet sipari i një viti të veçantë për këtë kryeqendër shqiptare dhe për kombin shqiptar, viti i 100-vjetorit të Pavarësisë së Shqipërisë. Sot ky sipar hapet dhe do të ndiqet nga aktivitete të shumta. Qendra e këtyre aktiviteteve do të jetë ajo në ish-nënprefekturë, ku familjet e mëdha të Tiranës ngritën flamurin më 26 Nëntor dhe që sot është qendra më e madhe e shqiptarëve në botë, qyteti i Tiranës”, tha Basha.
Sali Berisha / Foto arkiv
Luis Tanushi
Kryeministri Berisha i ka mbyllur derën kryetarit të Partisë Socialiste Edi Rama për të zhvilluar bisedime për zgjedhjen e kreut të ri të shtetit. Në mbledhjen e djeshme të Kryesisë së Partisë Demokratike, Berisha deklaroi se negociatat do të zhvillohen në parlament, duke lënë të nënkuptohet se në bisedime do të jetë kreu i grupit parlamentar socialist Gramoz Ruçi. Në mbledhjen e djeshme, kryesia e PD-së mandatoi dhe tre anëtarët...
