TIRANE - Zyrtarizimi i kandidateve per partite politike shqiptare eshte vetem ceshtje kohe dhe procedure. Ne 12 qarqet e Shqiperise, mazhoranca dhe opozita duket se kane gati emrat qe do ti besojne sfiden e ardhshme elektorale. Te konsideruara si nje test politik, zgjedhjet vendore i japin nje rendesi te vecante angazhimit te partive per te arritur rezultate maksimale.
Ne sherbim te kesaj, nje procedure teper delikate eshte dhe perzgjedhja e kandidateve. Nga te dyja krahet, si nga mazhoranca, ashtu edhe nga opozita, informacioni per kandidatet eshte shume i paket dhe i rezervuar. Gazeta Shekulli ka mundur te siguroje listen e kandidateve per te gjitha bashkite dhe komunat kryesore ne vend.
Kur na ndajne vetem pak dite nga zyrtarizimi i kandidaturave ne Komisionin Qendror te Zgjedhjeve, partite politike kane zgjedhur te presin momentin e fundit per ti bere publike ato. Nga ana tjeter, mazhoranca dhe opozita jane ne fazen e fundit te percaktimit te zonave me aleatet e tyre.
Sfida e ardhshme elektorale nuk ka kursyer as deputetet per ti nxjerre ato perballe kundershtarit politik ne zgjedhjet e 8 majit. Deri me tani, tre deputete, dy nga Partia Socialiste dhe nje nga Partia Demokratike priten te jene pjese e gares per zgjedhjet e ardhshme vendore. Socialistet kane perfolur emrin e deputetit lezhjan, Gjok Jaku, per tu perballur me kandidatin e LSI-se, Fatos Tushaj per Bashkine e Lezhes.
Selia roze ka menduar qe te nxjerre dhe deputetin e qarkut te Fierit, Fatos Tushe per te kandiduar per Bashkine e Lushnjes perballe kandidatit te LSI-se, Albert Sanxhaku. Ndersa demokratet do te kandidojne per Bashkine e Vlores deputetin e ketij qarku, Ardian Kollozi perballe kryebashkiakut aktual socialist, Shpetim Gjika.
Beteja me e forte elektorale pritet te jete ajo e kryeqytetit. Vete kryetari i Partise Socialiste, Edi Rama, njeheresh drejtues i bashkise me te madhe ne vend, nuk ka mohuar kandidimin e tij per zgjedhjet e ardhshme elektorale. Madje, socialistet kane testuar deri me tani disa figura politike per kryeqytetin si Pandeli Majko, Eduard Shalesi apo Erion Veliaj.
Deri me tani, kreu i Opozites se Bashkuar, Edi Rama, duke iu referuar edhe sondazheve te brendshme te socialisteve eshte kandidati i tyre me potencial. Ndersa nga Partia Demokratike, per Bashkine e kryeqytetit eshte lancuar ministri i Brendshem, Lulzim Basha, i cili ka filluar te paraqitet ne publik me nisma qe i sherbejne komunitetit te Tiranes.
