Permet, shmanget gjakderdhja mes 2 grupesh te rinjsh

Publikuar me : 29.09.2011 Ne : Kronike - 67 Lexime. Origjina : Gazeta Shekulli

Ndërhyrja e policisë së Përmetit ka bërë që të një përleshje mes dy grupe të rinj të mos kthehej në tragjedi, pas konfliktit të lindur për komentet në Facebook.  Mësohet se Ervis Isufaj, 25 vjeç, nga komuna Sukë e Përmetit, kishte goditur me grushta me 20-vjeçarin S.L, me pretendimin se e kishte sharë në rrjetin social Facebook.

Më pas, të dy të rinjtë kanë mbledhur secili shokët e tyre (njëri grup me tre veta dhe tjetri me katër) dhe janë larguar në periferi të fshatit për të “sqaruar ngjarjen”, të pajisur me shkopinj druri, gurë, leva hekuri dhe sqepar. Policia është vënë në dijeni me anë të një telefonate dhe ka shkuar menjëherë në vendin ku po përlesheshin dy grupet e të rinjve.

Ndërhyrja e efektivëve të policisë ka bërë që të neutralizohet përleshja, e më pas disa prej tyre janë shoqëruar  në komisariat e të tjerë në spital për plagosje të lehta.

Gjithashtu, sipas policisë Ervis Isufaj kishte thyer me sende të forta automjetin tip Volsvagen Golf 2, me targa Vl 81 53 C, të shtetasit S.L, që akuzonte se e ka sharë në facebook, duke i thyer fenerët , xhamat dhe kofanon  dhe ka marrë nga automjeti edhe laptopin dhe karikuesin e laptopit që përdorte S.L.

Pas përfundimit të veprimeve hetimore, në pranga është vënë Ervis Isufaj, për veprat penale të “Shkatërrimit të pronës “, si dhe të “Vjedhjes”, ndërsa ka filluar procedimi penal në gjendje të lirë për S.L dhe G.M, pjesë e grupit kundërshtar të Isafajt, të cilët me mjete të forta kanë plagosur lehtë tre shokët e tij. / Entela Bani