Publikuar me : 31.10.2011 Ne :
Kronike - 93 Lexime. Origjina : Gazeta Shekulli
Entela Bani
Një 17 vjeçar nga fshati Lazarat i Gjirokastrës ra në prangat e policisë ditën e djeshme ndërkohë që një tjetër është shpallur në kërkim. Policia kishte siguruar të dhëna në rrugë operative për transportin e lëndës narkotike dhe ka zënë pritë në dalje të fshatit Lazarat. Ata kanë pikasur makinat që ka dalë nga fshati dhe kanë pritur deri sa ajo të merrte rrugën përnë Sarandë.
Gjatë kësaj kohe policia kishte ngritur disa postblloqe në aksin Gjirokastër-Sofratikë , si dhe një pikë kontrolli poshtë fshatit Lazarat në vendin e quajtur “Gropa e Gëlqeres”. Rreth orës 03.20 të mëngjesit të datës 30 tetor , automjeti i dyshuar se transportonte lëndën narkotike, tip Fiat Punto pa targa, është konstatuar në dalje të fshatit Lazarat duke lëvizur me shpejtësi në drejtim të Sarandës. Uniformat blu t ë Gjirokastrës kanë bërë bllokimin e rrugës me automjet të policisë me fenerlina ndezur si dhe i kanë bërë shenjë drejtuesit të automjetit të ndalojë.
Drejtuesi i automjetit porsa ka konstatuar policinë dhe automjetin e policisë që i kishte bllokuar rrugën, ka shtuar shpejtësinë duke goditur makinën e policisë me makinën e tij, ku ka vënë në rrezik serioz jetën e punonjësve të policisë. Autori i aksidentit që njëkohësisht transportonte ngarkesën e drogës, e ka braktisur automjetin pasi s’ka mundur dot të vazhdojë lëvizjen nga defekti që ka pësuar makina nga përplasja me makinën e policisë. Drejtuesi i automjetit së bashku me një shtetas tjetër nga Lazarati janë larguar me vrap në drejtim të fshatit të tyre duke përfituar edhe nga errësira.
Specialistët e Sektorit Kundër Narkotikëve janë vënë në ndjekje të tyre ku kanë bërë të mundur kapjen e drejtuesit të mjetit, ndërsa shtetasi tjetër që nga hetimet rezulton të jetë edhe pronari i lëndës narkotike, ka mundur të largohet. Grupi hetimor ka mbërritur në vendngjarje ku nga këqyrja e makinës rezultoi se në brendësi të saj ishin 4 çanta të mëdha shpine dhe dy thasë plastik ë të mbushur me pako me lëndë narkotike. Çdo çantë kishte nga 30 pako dhe në thasë ishin edhe 15 pako, me pesha të ndryshme , rreth 147 kilogramë mariuanë. Forcat e rendit t ë Gjirokastrës bënë të mundur arrestimin në flagrancë të shtetasit H.M, 17 vjeç, lindur dhe banues në Lazarat si dhe u shpall në kërkim shtetasi K. S rreth 26 vjeç, lindur dhe banues në Lazarat.
Bombola gazi / Foto arkiv
Një operacion i policisë së Gjirokastrës, i koduar “Bombola”, ka sekuestruar disa makineri që prodhonin bombola gazi të falsifikuara, një biznes që drejtohej nga Marko Shugro, punonjës i Drejtorisë Rajonale të Tatim Taksave Gjirokastër.
Policia ka sekuestruar 7 makineri që prodhonin dhe mbushnin bombola gazi të falsifikuara, 9072 bombola gazi, katër baleta me ambalazh për paketim të bombolave, një automjet tip furgon, si dhe një automjet...
