Pese transfertat qe tronditen futbollin boteror

Publikuar me : 22.01.2012 Ne : Sport - 31 Lexime. Origjina : Gazeta Shekulli

Bekam e Baxho janë vetëm dy nga futbollistët shumë të mirënjohur që provuan probleme pas lëvizjes nga skuadrat e tyre

Ndërsa klubet më të mëdha sportive po diskutojnë për transfertat e muajit janar, “Bleacher Report” ka bërë një renditje të pesë marrëveshjeve më të mëdha që kanë tronditur botën e futbollit.

Nr. 5

E nisim me Devid Bekamin dhe shumën e madhe të parave të hedhura për të nga Real Madridi në vitin 2003. Ky ishte edhe momenti i ndarjes së tij me trajnerin e Mançester Junaitedit, Aleks Ferguson, ndërsa Bekami e ndjeu veten në stratosferë.

Nr. 4

Më tej është marrëveshja e cila e lëvizi Roberto Baxhon nga Fiorentina tek Juventusi në vitin 1993, që çoi edhe protesta në rrugë dhe 50 sportdashës u plagosën.

Nr. 3

Vendin e tretë e zë transferta e Sol Kempbëllit nga skuadra e Totenhamit tek Arsenali. Ish-mbrojtësi i Anglisë u kthyer nga hero në objekt urrejtjeje brenda shumë pak orëve. Ai do të jetë gjithnjë në listën e tradhtarëve më të mëdhenj të futbollit.

Nr. 2

Në vendin e dytë është marrëveshja që çoi në lëvizjen e yllit portugez Luis Figo nga Barcelona tek Real Madridi. Nëse do të themi që fansat e Barçës nuk e pëlqyen një gjë të tillë, do të ishte nënvlerësim i çështjes. Figo nuk do të dojë kurrë në jetën e vet të shohë një derr përsëri.

Nr. 1

Në krye të listës është transferta më e diskutuar dhe e pakuptuar e gjithë historisë, që çoi në lëvizjen e Alfredo Di Stefanos nga Argjentina tek Real Madridi në vitin 1953. Barcelona mendoi se lojtari do të nënshkruante me të, por ishte Madridi që mori Di Stefanon dhe shijoi aftësitë e tij për një dekadë suksesi.