Publikuar me : 11.11.2011 Ne :
Sociale - 72 Lexime. Origjina : Gazeta Shekulli
Parlamenti polak i ka hapur dyert pjesëtarit të parë transeksual, pas zgjedhjeve të fundit në këtë vend. Ana Grozdka, e cila ka lindur femër po i është nënshtruar ndërhyrjes së ndryshimit të seksit, bëhet kështu e para deputete transeksuale në Europë.
Sipas medieve, zgjedhja e Grodzka-s reflekton një ndryshim të thellë social në shoqërinë tradicionale të katolicizmit roman në Poloni.
Ana u fut krenare në sallë në asamble dhe u ul në krah të Robert Biedron, homoseksuali i parë polak që është i zgjedhur deputet.
Ajo është anëtare e lëvizjes progresiste Polikot, e cila u rendit e treta në zgjedhjet e 9 tetorit dhe kundërshton me forcë influencën e kishës në jetën politike, mbështet të drejtat e komunitetit gei dhe çështjen e abortit.
”Ata donin një Poloni moderne, një Poloni të hapur ndaj variacionit, një Poloni ku të gjithë njerëzit të ndiheshin mirë pavarësisht ndryshimeve nga njëri-tjetri. Nuk mund t’i zhgënjej pritshmëritë e tyre”, tha ajo.
Parlamenti i dalë nga zgjedhjet e 9 tetorit është i shtati që prej rënies së komunizmit në Poloni.
Shukri Klinaku / Foto "Koha Ditore"
Një fizikant kosovar pretendon se ka gjetur disa pasaktësi në teoritë e babait të fizikës, Ajnjshtajn. Madje, Shukri Klinaku, profesor i fizikës në Fakultetin e Edukimit në Universitetin e Prishtinës, i ka mbledhur të gjitha “gabimet” e Ajnshtajnit në një libër, të cilin e ka promovuar ditën e djeshme në Bibliotekën Kombëtare dhe Universitare të Kosovës.
Në librin e tij “Lëvizja relative, shpjegimi i drejtë dhe gabimet...
