Publikuar me : 26.01.2012 Ne :
Kronike - 87 Lexime. Origjina : Gazeta Shekulli
Dashamir Biçaku
Një 34- vjeçar me profesion ekonomist, punonjës i një banke të nivelit të dytë në vend, u arrestua dje në mesditë nga policia e Tiranës me akuzën e mashtrimit në mënyrë të përsëritur dhe atë të vjedhjes. Eugen Jonuzi u ndalua nga agjentët e antikrimit ekonomik në rrugën “Dedë Gjon Luli”, pas Muzeut Historik Kombëtar, teksa po merrte një sasi parash prej 35 mijë lekësh nga një biznesmene nga Durrësi. Paratë ishin paga mujore e Jonuzit dhe për kryerjen e pagesave të tatimeve dhe të sigurimeve shoqërore për punonjësit e saj dhe për atë vetë.
Jonuzi paratë nuk i dërgonte tek tatimet, por i merrte vetë. Pronarja e biznesit e zbuloi këtë gjë dhe denoncoi në polici faktin që prej tre vitesh ishte vjedhur në mënyrë sistematike. Gruaja ka konstatuar faktin se nuk i kishin bërë pagesat e tatimeve, kur zyrtarët e Drejtorisë së Tatimeve i trokitën në derën e dyqanit, duke i kërkuar llogari se përse iu shmangej tatimeve dhe taksave dhe nuk i paguante ato. E habitur gruaja, iu drejtua zyrtarëve të tatimeve, se duhej të kishin ngatërruar adresën, ose emrin e biznesit për të cilin kishin dyshim se nuk kishte paguar tatimet, pasi ajo i kishte derdhur të gjitha detyrimet dhe se nuk e dinte se për se bëhej fjalë. Por punonjësit këmbëngulën se biznesi i regjistruar në emrin e gruas, emri i së cilës nuk bëhej i ditur nga policia, nuk i kishte paguar detyrimet ndaj autoriteteve tatimore.
Këtë fakt ata sipas policisë e konfirmuan edhe në sistemin e përkatës, ku dilte se prej kohësh nuk ishin derdhur detyrimet tatimore në emrin që përfaqësonte denoncuesja e Eugen Jonuzit. Pas këtij fakti, e dëmtuara iu drejtua punonjësve të Antikrimit Ekonomik, duke denoncuar Jonuzin, që sipas saj e kishte mashtruar për derdhjen e detyrimeve. Pas denoncimit të gruas, policia nisi hetimin dhe organizoi një grackë për arrestimin e të dyshuarit. E dëmtuara duhej t’i jepte paratë e nevojshme për kryerjen e pagesave të muajit aktual, bashkë me një pagesë për bilancin e subjektit të të dëmtuarës. Kështu ndodhi dje kur gruaja kontaktoi me ekonomistin. Pas kontaktit në telefon, policia arrestoi në flagrancë 34 vjeçarin teksa po merrte nga gruaja shumën e parave.
Bombola gazi / Foto arkiv
Një operacion i policisë së Gjirokastrës, i koduar “Bombola”, ka sekuestruar disa makineri që prodhonin bombola gazi të falsifikuara, një biznes që drejtohej nga Marko Shugro, punonjës i Drejtorisë Rajonale të Tatim Taksave Gjirokastër.
Policia ka sekuestruar 7 makineri që prodhonin dhe mbushnin bombola gazi të falsifikuara, 9072 bombola gazi, katër baleta me ambalazh për paketim të bombolave, një automjet tip furgon, si dhe një automjet...
