Publikuar me : 23.12.2011 Ne :
Politike - 24 Lexime. Origjina : Gazeta Shekulli
Presidenti i Republikës, Bamir Topi ka pritur sot në një takim Avokatin e ri të Popullit, Igli Totozani, i cili u zgjodh nga Parlamenti me konsensus mes mazhorancës dhe opozitës.
Topi i ka uruar Totozanit suksese në detyrën e tij të rëndësishme për mbrojtjen e interesave të qytetarëve shqiptarë dhe nga ana tjetër ka shprehur mbështetjen institucionale.
“Edhe pse Avokati i Popullit është një institucion relativisht i ri në vendin tonë, ai ka krijuar tashmë fizionominë e vet të konsoliduar duke përfituar dhe shkëmbyer përvojë të vyer e pozitive edhe me institucione homologe perëndimore”, ka thënë presidenti.
Nga ana e tij Avokati i ri i Popullit, Igli Totozani ka siguruar Presidentin se do të punojë me përkushtim, ndjenjë të lartë përgjegjësie dhe transparencë për të mbrojtur të drejtat e njeriut duke u fokusuar në pavarësinë e institucionit që do të drejtojë dhe bashkëpunimin me institucionet e tjera.
Sali Berisha / Foto arkiv
Luis Tanushi
Kryeministri Berisha i ka mbyllur derën kryetarit të Partisë Socialiste Edi Rama për të zhvilluar bisedime për zgjedhjen e kreut të ri të shtetit. Në mbledhjen e djeshme të Kryesisë së Partisë Demokratike, Berisha deklaroi se negociatat do të zhvillohen në parlament, duke lënë të nënkuptohet se në bisedime do të jetë kreu i grupit parlamentar socialist Gramoz Ruçi. Në mbledhjen e djeshme, kryesia e PD-së mandatoi dhe tre anëtarët...
