PROTESTA / Pasi jane mbledhur ne Kuvendin e Madh, banoret kane kerkuar kthimin e pronave permes certifikatave

VLORE - Toka ka qene kryefjala e protestes se zhvilluar dje nga banore te fshatit Dukat, proteste qe ka mbledhur ne Orikum rreth 400 familjare nga kjo zone. Shqetesimi per mosmarrjen e asnje certifikate pronesie, kur tokat e tyre jane te lira, ka bashkuar banoret ne proteste, nderkohe qe sipas tyre ky do te jete vetem fillimi.

Banoret kane qene te prere ne kerkesat e tyre. Ata thane se pak dite me pare jane mbledhur ne Kuvendin e madh te Dukatit, ku kane dale me kerkesa te qarta drejtuar instancave qeveritare.

Disa prej kerkesave

Percaktimi i kufijve historike dhe gjeografike te Dukatit dhe administrimi i tyre ka qene nje kerkese e paraqitur nga banoret. Sipas tyre, kjo nenkupton te drejta te plota mbi tokat e te pareve, pasi sipas protestuesve ka qene nje vendim i Keshillit te Ministrave qe synon te privatizoje token qe kane nen administrim banoret e Dukatit. Kthimi i pronave banoreve te fshatit Dukat nepermjet dhenies se certifikates se pronesise nga ZRPP, ishte nje kerkese e dyte.

Protestuesit thane se nje dokument i tille nuk disponohet nga banoret edhe pse ata pretendojne qe tokat jane te tyre te trasheguara brez pas brezi. Banoret thane se rikthimi i prones te i zoti duhet te kryhet sipas ligjeve ne fuqi dhe sipas konceptit prone private. Nderkaq nje tjeter kerkese ishte heqja e menjehershme e postbllokut te bazes Ushtarake dhe lejimi i turisteve per ne parkun e Orikut, si dhe lejimi i banoreve te Dukatit per ne Karaburun.

Sipas banoreve, kjo tashme nuk ndodh, pasi baza ushtarake qendron e mbyllur dhe ne ambientet perreth saj nuk lejohet njeri, pa pasur me pare nje leje nga autoritetet ushtarake.

Marrja e nje vendimi, ne forme referendumi ose ne forme demokratike per cdo vendim te shtetit shqiptar, qe mund te cenoje pasurine, lirine, shendetin, ose jeten e banoreve te Dukatit, ishte nje tjeter kerkese e protestuesve. Sipas tyre kater kerkesat e bera publike nga ata, do te jene ne qender te zhvillimeve te mevonshme.

Ata kane paralajmeruar se, nese keto kerkesa nuk do te plotesohen, atehere do te pershkallezojne protestat, do te behet bojkotimi i Zgjedhjeve Vendore, si dhe ceshtja do te ankimohet ne gjykatat nderkombetare.

Protestuesit thane se per perpilimin e kerkesave ka funksionuar Kuvendi i madh, mbledhur pak dite me pare, ku moren pjese mbi 800 vete, ndersa protesta eshte ne kuader te ketij kuvendi. Banoret thane se brenda gjithe listekerkeses nuk kane vend pikepamjet politike, ka vend vetem e drejta e pronesise, cka sipas tyre u takon me ligj dhe duhet zgjidhur.

Nje tjeter shqetesim i tyre eshte ngritja e mullinjve me ere, projekt ky qe prek tokat e te pareve. Sipas banoreve, kusht i domosdoshem eshte shpronesimi i tokes dhe me pas ngritja e ketyre mullinjve. Gjate protestes se djeshme ata thane se ne nuk jemi kunder zhvillimit, por interesi i komunitetit duhet te jete ne qender te vemendjes.