PROTESTA/ Pas shoqerimit te 6 protestuesve, te tjere kane ribllokuar rrugen per dy ore. Vargu i mjeteve, deri ne Llogora

VLORE - Nje proteste e nisur mengjesin e se martes rreth ores 09 00 qe e coi ne rreth 3 kilometra vargun e automjeteve qe i ishin drejtuar Sarandes apo Vlores, u permbyll mbremjen e kaluar pas nje bllokimi te dyte, ku protestues, kryesisht te rinj, kane hedhur edhe vaj ne rruge per te mos lejuar kalimin e mjeteve.

Mesohet se shkak per riprotesten ishte ndalimi i gjashte prej personave qe moren pjese ne protesten e paradites te banoreve te Dukatit, Tragjasit dhe Orikumit, dhe shoqerimi i tyre per ne komisariat. Nje gje e tille ka bere qe gjate pasdites, protestues kryesisht te rinj te bllokojne rrugen per se dyti dhe te kerkojne lirimin e te ndaluarve.

Pergjate pothuajse dy oreve aksi ka qendruar i bllokuar, teksa mesohet se protestuesit qe kane qene te mbuluar me bluza per mos tu njohur kane hedhur edhe vaj ne rruge per te qene te bindur ne moskalimin e mjeteve. Mesohe se radha e automjeteve ka mberritur deri ne Qafen e Llogorase.

Vetem pasi nga policia eshte bere lirimi i te shoqeruarve, ata jane larguar nga rruga per te bere te mundur rikthimin e qarkullimit. Per shkak te vajrave te hedhura ne rruge, pas lirimit ka nderhyre ndermarrja e rrugeve per pastrimin e saj.

Pas kesaj ka vijuar qarkullimi normal, ndersa protestuesit jane kthyer ne banesat e tyre, nderkohe qe nga ana e policise nuk eshte marre ndonje mase ndaj tyre.

Por edhe gjate paradites per rreth nje ore, banore te Dukatit zune rrugen duke mos lejuar kalimin e automjeteve ne aksin Vlore-Sarande.

Shqetesimi per mosmarrjen e asnje certifikate pronesie, kur tokat e tyre jane te lira, ka ribashkuar banoret ne proteste. Percaktimi i kufijve historike dhe gjeografike te Dukatit dhe administrimi i tyre ka qene nje kerkese e paraqitur nga banoret.

Sipas tyre, kjo nenkupton te drejta te plota mbi tokat e te pareve, pasi sipas protestuesve eshte nje vendim i Keshillit te Ministrave qe synon te privatizoje token qe kane nen administrim banoret e Dukatit. Kthimi i pronave banoreve te fshatit Dukat nepermjet dhenies se certifikates se pronesise nga ZRPP, ishte nje kerkese e dyte.

Protestuesit thane se nje dokument i tille nuk disponohet edhe pse tokat jane te tyre te trasheguara brez pas brezi. Banoret thane se rikthimi i prones te i zoti duhet te kryhet sipas ligjeve ne fuqi dhe sipas konceptit prone private.

Nderkaq nje tjeter kerkese ishte heqja e menjehershme e postbllokut te bazes Ushtarake dhe lejimi i turisteve per ne parkun e Orikut, si dhe lejimi i banoreve te Dukatit per ne Karaburun.

Sipas banoreve, kjo tashme nuk ndodh, pasi baza ushtarake qendron e mbyllur dhe ne ambientet perreth saj nuk lejohet njeri, pa pasur me pare nje leje nga autoritetet ushtarake.

Marrja e nje vendimi, ne forme referendumi ose ne forme demokratike per cdo vendim te shtetit shqiptar, qe mund te cenoje pasurine, lirine, shendetin, ose jeten e banoreve te Dukatit, ishte nje tjeter kerkese e protestuesve.

Sipas tyre, kater kerkesat e bera publike nga ta, do te jene ne qender te zhvillimeve te mevonshme. Ata kane paralajmeruar se, nese keto kerkesa nuk do te plotesohen, atehere do te pershkallezojne protestat.