KORRUPSIONI/ Perparim Toro ishte kryetari i Komisionit te Kthimit dhe Kompensimit te Pronave ne vitet 2005-2006

Ish-kryetari u dha me dokumente te falsifikuara nje siperfaqe prej 900 hektaresh dy anetareve te komisionit

GJIROKASTER- Ish-kreu i Komisionit te Kthimit dhe Kompensimit te Pronave ne Gjirokaster eshte vendosur ne pranga, pasi akuzohet se u ka dhene dy ish-anetareve te po te njejtit komision nje siperfaqe prej 900 hektaresh me dokumente te falsifikuara.

Nderkaq, pas nje hetimi me shume se 6- mujor eshte arrestuar edhe drejtori aktual i pyjeve ne Permet, Mihallaq Çapollari, i cili ka lejuar te priten rreth 2000 ha pyll. Dy te arrestuarit do te perballen me akuzen shperdorim detyre.

Pronat

Burime zyrtare te policise kane bere te ditur se arrestimi i dy personave eshte bere ne baze te urdhrit te prokurorit, pas caktimit te mases se sigurise nga ana e Gjykates se Shkalles se Pare te rrethit Gjyqesor Gjirokaster.

Per tri zyrtare te ish-Komisionit te Kthimit dhe Kompensimit te Pronave, masat e sigurise kane qene perkatesisht arrest me burg per ish- kreun e tij ne vitet 2005-2006, Perparim Toro dhe detyrim paraqitje per shtetasin H.C, ish-anetar i Kthimit dhe Kompesimit te Pronave, si dhe per shtetasen me inicialet V.Ç. Shperdorim detyre eshte akuza e ngritur ndaj tyre, pasi dyshohet se kane dhene certifikata pronesie ne menyre jo te rregullt.

Shtetasi Perparim Toro, 55 vjec, lindur dhe banues ne Gjirokaster, ne periudhen kohore 2005- 2006, kur ishte me detyre kryetar i Komisionit te Kthimit dhe Kompensimit te Pronave ne qarkun Gjirokaster iu ka dhene dy anetareve te komisionit certifikaten e pronesise per nje siperfaqe prej 2300 hektaresh, nga te cilat 1400 ha u jane dhene me vendim gjykate, ndersa pjesa tjeter u eshte dhene me dokumente te falsifikuara, thuhet ne komunikaten zyrtare te policise ne lidhje me kete ngjarje.

Pyjet

Nderkaq, pas nje hetimi qe ka zgjatur me shume se 6 muaj, ne pranga ka perfunduar edhe drejtori i Ndermarrjes Pyjore ne Permet, Mihallaq Çapollari. Edhe per te Gjykata e Faktit ne baze te provave te paraqitura ka caktuar masen e sigurise arrest me burg.

Shtetasi Mihallaq Çapollari, 59 vjec, lindur dhe banues ne Permet, duke ushtruar detyren e Drejtorit te Pyjores, dega Permet ka lejuar te priten siperfaqe te medha pyjore, rreth 2000 hektare ne komunen e Çarshoves nga dy shtetas me inicialet V.Ç.

dhe Z.Ç., me origjine nga Çarshova, te cilet pretendonin se i kishin pronat e tyre dhe kane bere prerjen e lendes drusore, duke e perpunuar dhe kthyer ne qymyr druri dhe me pas e kane eksportuar per ne shtetin grek, thuhet me tej ne komunikaten e policise.

Pas denoncimit te bere nga komuna Çarshova, hetimet nen operacionin e koduar Hetimi i zgjatur, te kryera prej Prokurorise ne bashkepunim me Sektorin Kunder Krimit Ekonomik ne Drejtorine e Policise se Qarkut Gjirokaster jane permbyllur me provat qe i jane paraqitur me pas gjykates.