Seseri argumenton per pasojat qe vijne nga ndryshimi i buxhetit Goditen investimet publike dhe punesimin
TIRANE - Nje dite pas votimit te ndryshimeve ne buxhetin e qeverise, Partia Socialiste vleresoi dje se shkurtimet ne buxhet do te sjellin papunesi, nje fshat te varfer dhe frenim te biznesit.
Permes nje komunikimi per mediat, deputetja socialiste, Rudina Seseri, deklaroi se vendet e tjera kane mbi 18 muaj qe kane ndermarre reforma per te dale nga recesioni, ndersa qeveria shqiptare eshte e fundit qe kujtohet per krizen.
Ministri i Piramidave, pergjegjesi kryesor i mosbalancimit te buxhetit, vazhdon te fshehe te verteten me deklarata si te kongreseve te partise, kur flitej per bollek te madh prodhimesh bujqesore, kur njerezit nuk kishin buke, kritikoi qendrimin e Qeverise, Rudina Seseri.
Sipas saj, shkurtimi i shpenzimeve godet rende investimet publike dhe punesimin, sepse eshte bere ne menyre joprofesionale, pa metoda optimizmi, gje qe do te jape efektin e kundert ne ekonomi. Ajo theksoi se thelbi i problemit eshte se qeveria asnjehere nuk ka ditur te beje dallim midis shpenzimit dhe investimit, duke vene shenjen e barazimit mes tyre.
Me tej, deputetja socialiste vleresoi se ne ekonomite e zhvilluara jo autoritare, investimet bazohen ne projekte rigoroze dhe perzgjidhen me kritere te rrepta ekonomiko-socialo-mjedisore, qe marrin ne konsiderate koston, kthimin e kapitalit te investuar, fitimin monetar dhe krijimin e te mirave publike.
Shkurtime ne buxhet jane bere pa asnje analize te realizimit te investimeve nga Ministrite. Eshte e pafalshme qe, ne 6-mujorin e pare, Ministria e Bujqesise realizoi vetem 6 perqind te investimeve, Ministria e Arsimit vetem 7 perqind dhe Ministria e Shendetesise vetem 19 perqind. Jane pikerisht keto ministri qe u goditen me shume nga ndryshimet ne buxhet.
Duke i shkurtuar fondet ketyre sektoreve prioritare, qeveria godet rende perseri fshatin, ben hapa mbrapa ne zhvillimin e arsimit dhe perkeqeson sherbimin shendetesor, argumentoi Seseri.
Sipas saj, ndryshimet e bera ne buxhetit nuk zbusin krizen, por e thellojne ate, sepse jane ndryshime qe nuk shoqerohen me politika qe lehtesojne biznesin, nuk favorizojne prodhimin, nuk nxisin punesimin, nuk mbeshtesin familjet e varfra te perballojne shtrenjtimin e jeteses. D. Dedej
