Publikuar me : 02.02.2012 Ne :
Politike - 95 Lexime. Origjina : Gazeta Shekulli
Edi Rama, kryetar i Partisë Socialiste, ndodhet në Austri, i shoqëruar nga një grup deputetësh socialistë. Lideri i opozitës do të zhvillojë një takim me deputetë të spektrit të majtë të parlamentit austriak mbi marrëdhëniet mes tyre dhe situatën politike në të dy vendet.
“Pas pak në parlamentin austriak me deputetë socialistë për gjendjen në Shqipëri, programin e ri të PS-së dhe bashkëpunimin mes dy grupeve tona”, shkruan Rama në Tuiter mbi vizitën në Austri.
Rama është shprehur se në këtë takim është diskutuar mbi “funksionimin e demokracisë, taksën progresive, luftën me papunësinë e korrupsionin dhe reforma në arsim e shëndetësi”. Kreu i opozitës ka nënvizuar se ka gjetur “gatishmëri të posaçme nga miqtë austriakë për të mbështetur programin tonë për një Rilindje Shqiptare”.
Nesër, Rama pritet të marr pjesë në një tryezë dialogu organizuar nga përfaqësia e Komisionit dhe Parlamentit Evropian në Vjenë, me titull “BE- mes meje dhe teje”.
Në këtë dialog do të referojë dhe lideri i opozitës shqiptare dhe aktorë të tjetër të politikës aktive.
Ilir Meta - Sali Berisha
Menjëherë pas përfundimit të takimit me kreun e LSI-së, kryeministri Berisha u shpreh se të dy palët kanë rënë dakord për zgjedhjen e një presidenti sa më konsensual. Për këtë, Berisha ka ftuar kryetarin e PS-së, Rama, të mandatojë dy bashkëpunëtorë për të nisur negociatat.
“Ishte një takim me përputhshmëri të plotë mendimesh me udhëheqjen politike të LSI-së, që është aleatja kryesore e PD-së në koalicion. U ra plotësisht dakord...
