Rama ne Burrel Askush nuk do nje qeveri qe u kerkon te lumturohen me lugen bosh

Publikuar me : 15.12.2011 Ne : Politike - 72 Lexime. Origjina : Gazeta Shekulli

 “Kjo nuk është Shqipëria e ëndrrave të shqiptarëve. Kjo nuk është Shqipëria e mundësive të barabarta. Kjo nuk është Shqipëria që meritojnë fëmijët tanë. Qytetarët meritojnë një qeveri që t`u shërbejë”.

Ky ka qënë reagimi i kreut të Partisë Socialiste Edi Rama, gjatë prezantimit të librit të tij “Kurban” në Burrel, ndërsa nuk la pas dhe kritikat ndaj qeverisë, duke sulmuar kryeministrin  Sali Berisha.

Kreu i opozitës, tha se problemi më i rëndësishëm aktualisht është kryetari i qeverisë  Berisha. Gjatë një bisede të hapur me qytetarët e Burrelit, sa i takon librit  dhe përmbajtjes së tij, Rama ka theksuar se qeveria aktuale duhet të largohet dhe se asnjë nuk do një qeveri që u  kërkon të lumturohet me lugën bosh.

Lideri i opozitës Edi Rama ka shmangur një koment të drejtëpërdrejtë për vetkandidimin e Fatos Nanos, në postin e kreut të shtetit, ndërsa ka shtuar se PS-ja do të ndërtojë një Shqipëri të re, një Shqipëri që u ëndërrua dhe u shpresua në vitet ‘90.