Publikuar me : 12.12.2011 Ne :
Politike - 99 Lexime. Origjina : Gazeta Shekulli
(
I përditësuar)- Ndërkohë që ka përfunduar seanca dëgjimore për 12 kandidaturat për Avokatin e Popullit nga Partia Socialiste. Pas mbarimit të kësaj faze lideri i opozitës Edi Rama, pjesëmarrës në këtë proces deklaroi për Ora News se ka pasur një paraqitje dinjitoze dhe shumë cilësore kandidatësh.
Rama u shpreh se sistemi i ri përzgjedhjes i hap rrugën një të ardhmeje ligjore ku institucionet nuk do të jenë më militant partiakë, por do t`i shërbejnë me përpikmëri qytetarëve.
“Kam besim se komisioni përzgjedhës do të jetë në lartësinë e kësaj sfide. Në këtë mënyrë ky proces do të jetë një gurë themeli për shtetin e së nesërmes. Do tu japim shqiptarëve institucione që i shërbejnë qytetarit dhe jo partive”.
Ndërkohë procesi i selektimit parashikon dhe një kohë pyetjesh rreth 10 minuta nga ana e komisionit. Këto pyetje do të jenë në funksion të shtjellimit të vizionit të paraqitur apo shpjegimeve të ndryshme që me gjasë do të nevojiten për procesin e përzgjedhjes.
*********
Avokati i Popullit, nis seanca dëgjimore e 12 kandidatëve të përzgjedhur nga PS
Ka nisur rreth orës 10:00 seanca dëgjimore me 12 kandidatët e përzgjedhur nga Partia Socialiste për kreun e Avokatit të Popullit.
Në seancën e dëgjesave janë parashikuar 15 minuta kohë për secilin kandidat, i cili do të paraqesë vizionin për institucionin dhe funksionin e Avokatit të Popullit.
Pas dëgjesave të 12 kanditatëve, procedura parashikon rreth 10 minuta pyetje që u drejtohen kandidatëve nga komisioni i përzgjedhur nga Partia Socialiste.
Radha e shpalosjes së vizionit të secilit kandidat u përcaktua nga një short i hedhur paraprakisht.
Kesnofon Krisafi
Besnik Dervishi
Përparim Kabo
Qirjako Qirko
Bilal Kola
Igli Totozani
Blerta Kraja
Elisabeta Imeraj
Artur Lazebeu
Dëshira Subashi
Ermir Dobjani
Sokol Hazizaj
Emrat e 12 kandidatëve që do të dëgjohen sot dolën pas përmbylljes së fazës së parë përzgjedhëse, e cila mblodhi 33 kandidatë. Më tej, nga kjo listë u përzgjodhën 12 kandidatët që do të dëgjohen sot.
Ilir Meta - Sali Berisha
Menjëherë pas përfundimit të takimit me kreun e LSI-së, kryeministri Berisha u shpreh se të dy palët kanë rënë dakord për zgjedhjen e një presidenti sa më konsensual. Për këtë, Berisha ka ftuar kryetarin e PS-së, Rama, të mandatojë dy bashkëpunëtorë për të nisur negociatat.
“Ishte një takim me përputhshmëri të plotë mendimesh me udhëheqjen politike të LSI-së, që është aleatja kryesore e PD-së në koalicion. U ra plotësisht dakord...
