Rama S’blejme me shume, paguajme me shume taksa

Publikuar me : 31.01.2012 Ne : Politike - 89 Lexime. Origjina : Gazeta Shekulli

Menjëherë pas deklaratës së bërë publike nga kryeministri Sali Berisha, në lidhje me ekonominë e vendit, një kundër akuzë ka ardhur nga kreu opozitar nëpërmjet rrjetit social Twitter. Duke i’u referuar shefit të qeverisë, ndërsa reformat e ndërmarra gjatë viteve të fundit bënë të mundur shmangien e krizës ekonomike që ka përfshirë vendet e eurozonës, kryesocialisti i cilëson të gjitha përçarje për ekonominë. Për të, për këtë përçartje për ekonominë, duhet të jenë shqiptarët të cilët duhet të pyesin veten.

“Jo vetem qe s’blejnë më shumë, po paguajnë më shumë taksa dhe në këmbim marrin padrejtësi e propagandë genjeshtrash turpëruese për shoqerinë!”, thuhet në twitter.

Ky reagim kundërshtues i kreut opozitar përcillet pas deklaratës së kryeministrit, ndërsa citoi se modeli marksist i taksës progresive, që kërkon të rikthejë opozita, është një nga faktorët kryesore të krizës së sotme globale. Shefi i qeverisë theksoi se “modeli ekonomik i Shqipërisë, i bazuar në taksat e ulta, klimën miqësore dhe luftën kundër korrupsionit ka bërë të mundur që në katër vjet, vendi të ridemensionojë disa herë potencialin e saj të biznesit”. Për Ramën, sot shqiptarët paguajnë më shumë taksa dhe në këmbim marrin vetëm padrejtësi.

“Për përcartjen e sotme të KM për ekonominë, shqiptaret duhet të pyesin veten:A kanë sot me shumë lekë dhe a blejne dot më shumë se dje?

Rama ka reaguar dhe në lidhje me komisionin parlamentar për shkarkimin e nënkryetarit të KLD-së Kreshnik Spahiu.  “Komisioni Spahiu vazhdë e barbarizimit të jetës parlamentare. Pushteti provon përditë nevojën alarmante për ndryshim. PS e garanton ndryshimin”, ka shkruar Rama në Twitter.