Publikuar me : 21.10.2011 Ne :
Politike - 44 Lexime. Origjina : Gazeta Shekulli
Opozita shpreh gatishmërinë për të punuar në funksion të intensifikimit të procesit të integrimit. Gjatë takimit të drejtorit të Përgjithshëm për Zgjerimin në KE, Stefano Sanino, kreu i PS, Edi Rama, theksoi se procesi i integrimit europian mbetet shumë i rëndësishëm për Shqipërinë dhe shqiptarët. Rama shprehu mbështetjen e gatishmërinë e plotë të opozitës për të bërë gjithçka mundet në funksion të intensifikimit të këtij procesi.
Gjithashtu, Rama ka njohur nga afër zyrtarin e lartë të Komisionit Europian me platformën me 10 pika që opozita shqiptare i ka propozuar maxhorancës, si një strategji për ta nxjerrë vendin nga kriza politike dhe për t’u dhënë zgjidhje problemeve themelore të shprehura edhe në opinionin e Bashkimit Europian, ku fatkeqësisht Shqipërisë iu rrefuzua për të dytën herë statusi i vendit kandidat.
Ndërsa Sannino ka theksuar rëndësinë e përmbushjes së të gjitha prioriteteve të vendosura nga BE për Shqipërinë brenda një afati kohor sa më të shkurtër.
Ilir Meta - Sali Berisha
Menjëherë pas përfundimit të takimit me kreun e LSI-së, kryeministri Berisha u shpreh se të dy palët kanë rënë dakord për zgjedhjen e një presidenti sa më konsensual. Për këtë, Berisha ka ftuar kryetarin e PS-së, Rama, të mandatojë dy bashkëpunëtorë për të nisur negociatat.
“Ishte një takim me përputhshmëri të plotë mendimesh me udhëheqjen politike të LSI-së, që është aleatja kryesore e PD-së në koalicion. U ra plotësisht dakord...
