Publikuar me : 24.12.2011 Ne :
Politike - 63 Lexime. Origjina : Gazeta Shekulli
Lideri i opozitës Edi Rama vizitën e parë për të uruar Krishtlindjet bashkë me bashkëshorten e tij Lindën e bëri në familjen e njërit prej katër viktimave të “21 janarit”, Hekuran Dedës.
Vizita ishte private dhe larg syrit të medias por kreu i PS-së e ka komentuar në faqen e tij të Twitter: “Me Lindën në familjen e Hekuran Dedës ku s’ka qetësi pa drejtësi dhe ku fëmijët lexojnë shkrime të tyret për vrasjen që u mundon shpirtin”.
Data 21 janar shënon dhe 1 vjetorin e vrasjes së Hekuran Dedës në bulevardin kryesor të Tiranës, gjatë protestës së opozitës. 32-vjeçari Deda, babai i dy fëmijëve, ishte kthyer vetëm para dy muajsh (nga 21 janari 2011) nga emigrimi për shkak të papunësisë dhe ishte sërish i papunë në Shqipëri.
Ilir Meta - Sali Berisha
Menjëherë pas përfundimit të takimit me kreun e LSI-së, kryeministri Berisha u shpreh se të dy palët kanë rënë dakord për zgjedhjen e një presidenti sa më konsensual. Për këtë, Berisha ka ftuar kryetarin e PS-së, Rama, të mandatojë dy bashkëpunëtorë për të nisur negociatat.
“Ishte një takim me përputhshmëri të plotë mendimesh me udhëheqjen politike të LSI-së, që është aleatja kryesore e PD-së në koalicion. U ra plotësisht dakord...
