Publikuar me : 02.12.2011 Ne :
Kronike - 80 Lexime. Origjina : Gazeta Shekulli
Këshilli i Evropës nëpërmjet një raporti të grupit të ekspertëve kundër trafikimit të qenieve njerëzore, i njohur si “GRETA” publikoi sot të dhënat mbi këtë lloj trafiku për Shqipërinë.
Sipas KiE-së autoritetet shqiptare duhet të vazhdojnë të kushtojnë vëmendje për problemin e trafikimit të qenieve njerëzore në Shqipëri, pasi ai është në rritje. Sipas raportit në vendin tonë ka pasur fushata të shumta për rritjen e ndërgjegjësimit, ndërsa më shumë të tjera duhet të bëhen për të luftuar stereotipet.
KiE në këtë raport u kërkon autoriteteve shqiptare të shtojnë hapat e ndërmarrë për të nxitur arsimim dhe punësim për anëtarët e grupeve të ndjeshme ndaj trafikimit. GRETA u kërkon autoriteteve shqiptare që të forcojnë masat për mbrojtjen e viktimave të trafikimit, duke marrë në konsideratë situatën e veçantë të viktima fëmijëve, pavarësisht nëse ato kanë rënë dakord apo jo që të marrin pjesë në procedurat gjyqësore.
Autobusi i aksidentit në Himarë
Pas aksidentit tragjik në Himarë, autoritetet greke kanë ndaluar hyrjen e autobusëve nga Shqipëria që nuk plotësojnë kushtet e sigurisë.
Në pikat kufitare që lidh vendin tonë me Greqinë, ministria e Transportit e këtij vendi nuk ka lejuar hyrjen e autobusëve me udhëtarë të disa kompanive turistike.
Bëhet fjalë për ndalimin e autobusëve të 18 kompanive nga Shqipërisë. /F.S/
