Publikuar me : 17.02.2012 Ne :
Sport - 58 Lexime. Origjina : Gazeta Shekulli
Një ditë pas ndeshjes me Parmën, drejtuesit e ekipit të Juventusit janë hedhur në një “revoltë” ndaj arbitrave. Kjo vjen si rrjedhojë e dy njëmbëdhjetë metërshave të mohuar përgjatë ndeshjes. Problemi i drejtuesve të ekipit qëndron edhe në faktin se ky episod ripërsëritet pas atij të pak ditëve më parë, në ndeshjen ndaj Sienës.
Sërisht në minutat e fundit të lojës Juventusit i mohohet një penallti. “Është e disata herë që nuk na jepet një penallti. Nuk dëshiroj që arbitrat të na favorizojnë, por dua që ata të kenë të njëjtin gjykim. Dua që të ketë barazi në fushën e lojës. Lojtarët futen në fushë pas një përgatitjeje të gjatë dhe këto episode e dëmtojnë shumë skuadrën.
Nuk dua të ngre dyshime për kampionatin, por diçka fshihet pas”, shprehet trajneri Konte. Ndërkohë Pavel Nedved, vihet përkrah trajnerit: “Nuk kemi se çfarë t’u themi lojtarëve. Këto episode nuk duhet të ripërsëriten. Konte ka të drejtë”. Juventus ka pasur përgjatë të gjithë kampionatit vetëm një penallti në favor.
Kombetarja
Edmond Sufaj
Skuadra kombëtare e femrave të Shqipërisë, do të marrë pjesë në ndeshjet eliminatore në kompeticionet europiane dhe botërore. Pas paraqitjeve mbresëlënëse në tre takimet e fundit miqësore, pritet zyrtarizimi i pjesëmarrjes së saj në ndeshjet eliminatore në fund të vitit. “Në fund të vitit presim që të marrim konfirmimin zyrtar nga FIFA dhe UEFA për pjesëmarrjen e kombëtares së femrave në ndeshjet zyrtare”, tha sekretari i përgjithshëm i...
