Rrahu nenen, e vret me sopate babai

Publikuar me : 09.10.2011 Ne : Kronike - 46 Lexime. Origjina : Gazeta Shekulli



Një ngjarje e rëndë ka tronditur dje Pogradecin teksa një 72-vjeçar vrau me sopatë të birin e tij 33 vjeç. Krimi i cili ndodhi në fshatin Vërdovë u shënua në orët e para të pasdites së djeshme. Sipas informacioneve, Njazi Kromollatri vrau Kudret Kromollarin pas një grindje. Mësohet se viktima ishte përdorues i rregullt i alkoolit. Burime nga policia njoftuan se viktima Kudret Kromollari prej kohësh ushtronte sistematikisht dhunë fizike ndaj dy prindërve të tij. Ngjarja ndodhi pas një sherri i cili degjeneroi në përleshje fizike brenda banesës mes 33-vjeçarit dhe të atit. Viktima dyshohet të ketë dhunuar të ëmën pak minuta përpara se të vritej duke u goditur tre herë më sopat nga i ati. Ngjarja ndodhi në prani edhe të nënës si dhe vëllait të tij dhe nuses shtatzënën ndërkohë që fqinjë të familjes bënë të ditur se viktima ishte i papunë dhe në një gjendje të rëndë ekonomike. Kjo mësohet të jetë bërë shkak që 72-vjeçari të rrëmbejë sopatën dhe ta qëllojë të birin për vdekje. Autori i vrasjes u vetëdorëzua ndërkohë që uniformat blu të mbërritura në vendngjarje sekuestruan armën e krimit. Kjo ngjarje i shtohet listës së gjatë të krimit brenda familjes. Dy javë më parë një baba vrau djalin e tij 27 vjeç në Malësi të Madhe.