Rrezohet propozimi i PS-se per uljen e TVSH-se, Rama Ne jemi per njerezit e zakonshem, ata per klientet e tyre

Publikuar me : 20.12.2011 Ne : Ekonomi dhe Biznes - 97 Lexime. Origjina : Gazeta Shekulli

(I përditësuar)-  Komisioni i Ekonomisë ka rrëzuar propozimin e Partisë Socialiste për uljen e TVSH-së për disa produkte bazë ushqimore. Në seancën e sotme ka patur debate të ashpra mes palëve në lidhje me TVSH-në. E gjithë seanca ka kaluar me replika akuzash mes opozitës dhe mazhorancës.

Deputeti socialist Erion Brace gjatë fjalës së tij akuzoi mazhorancën se po monipolizon tregjet, ndërkohë nga ana tjetër përfaqësuesi i PD-së në këtë komision, Flamur Noka u shpreh se socialistët me propozimet e tyre duan të favorizojnë disa kompani, që menaxhojnë edhe disa nga deputetët socialistë.

Ashtu siç kishin paralajmëruar deputetët demokratë janë shprehur kundër propozimit për heqjen e TVSH.

Për ketë vendim të shumicës në komisioni ka reaguaredhe kreu i PS-së Edi Rama. Ai shkruan në “Twitter” se: “Rrëzimi i planit tonë për uljen e taksës së ushqimeve sot në Kuvend konfirmon që në jemi për njerëzit e zakonshëm ata për klientët e tyre”.

*******

Komisioni i Ekonomisë, PS diskuton sot heqjen e TVSH-së

Partia Socialiste pritet të diskutojë sot në Komisionin e Ekonomisë ndryshimin e ligjit për Tatimin mbi Vlerën e Shtuar (TVSH). Siç është bërë e ditur dhe më parë propozimi i PS-së lidhet me heqjen e kësaj takse për produktet bazë ushqimore.

Përfaqësuesit e opozitës kanë kërkuar që një pjesë të ushqimeve kjo taksë të ulet në nivelin zero, duke krijuar kështu më shumë mundësi për familjet me të ardhura të pakta.

Ja cilat janë ndryshimet që PS kërkon të bëhen në ligjin për “Tatimin mbi Vlerën e Shtuar” të bëhen këto ndryshime:

Pas nenit 24/1 të shtohet neni 24/2 me këtë përmbajtje :

“Furnizimi për grurin, miellin, bukën, qumështin, vezën, janë furnizime që tatohen me 0 perqind TVSH dhe furnizimi për vajin, sheqerin dhe orizin janë furnizime të tatueshme në masën 10 perqind, duke filluar nga dt. 1 janar 2012”.

Pas nenit 24/2 të shtohet neni 24/3 me këtë përmbajtje :

“Furnizimi i barnave dhe shërbimeve shëndetësore nga institucionet shëndetësore, publike dhe private, është furnizim i përjashtuar, duke filluar nga dt. 1 janar 2012”.

Pika 2 e nenit 30 të hiqet

Kuptimi i neneve të propozuara është që furnizimet me mallrat bazë të shportës konsumatore: miell, bukë, qumësht, vezë, dhe ilaçe, janë shërbime të tatuara në masën 0 perqind TVSH, ndërsa furnizimet me vaj, sheqer dhe oriz janë furnizime të tatueshme në masën 10 perqind të TVSH-së.