Publikuar me : 26.09.2011 Ne :
Rajoni - 62 Lexime. Origjina : Gazeta Shekulli
Medvedev dhe Kudrin
Ministri rus i Financave Alexei Kudrin është detyruar të japë dorëheqjen. Dorëheqja ka ardhur pas një “sërë qortimesh” nga Presidenti Dimitri Medvedev.
Më parë Kudrin kishte deklaruar se nuk do të shërbente në qeverinë e re vitin e ardhshëm nëse kryeministri Vladimir Putin dhe Medvedev ndërronin pozicionet.
Të shtunën u “zbardh” i detajuar plani, ku Medvedev u shpreh në mbështetje të Putinit president. Putin mbajti për dy mandate këtë pozicion dhe pritet ta primarrë përsëri për ta lëshuar në vitin 2024 sipas gjasave pasi mandati i presidentit me ndryshimet kushtetuese është zgjatur në gjashtë vite.
Medvedev reagoi ashpër ndaj komenteve të Kudrinit duke thënë: Ishin të pahijshme… dhe në asnjë mënyrë nuk mund të justifikohen”.
“Nëse Alexei Leonidovich (Kudrin”, nuk je dakord me kursin e presidentit, ka vetëm një kurs për të vepruar dhe këtë ju e dini: të jepni dorëheqjen. Është propozim që ua bëj juve”, ka shtuar Medvedev.
Presidenti rus ka kërkuar përgjigje brenda ditës dhe Kudrin është përgjigjur duke dhënë menjëherë dorëheqjen nga posti i ministrit.
Deputeti i gjakosur
Një deputet ukrainas është lënë i gjakosur shtrirë për tokë pas një sherri masiv në parlament. Dhuna nisi pasi një ligj i miratuar lejon përdorimin e gjuhës ruse në gjykatë, spital dhe institucionet e tjera në zonat ku ka banorë rusisht folës.
I plagosuri, deputeti opozitar, Mykola Petruk, u dërgua në spital pasi mori të cacra në kokë. Parlamenti i Ukrainës është kthyer shpesh në arenë boksi. Në prill të vitit 2010 pas një sherri gjashtë...
