Publikuar me : 26.01.2012 Ne :
Rajoni - 69 Lexime. Origjina : Gazeta Shekulli
Kryetari i sapozgjedhur i Parlamentit Evropian Martin Schulz i ka kujtuar kryeministrit të Hungarisë Viktor Orban se nuk duhet të mendojë se liderët e BE-së janë budallenj.
Orban ndodhet në Bruksel për të zhvilluar takime me krerët e BE-së për të sqaruar ata mbi ndryshimet kushtetuese në Hungari.
Komisionit Evropian ka nisur një aksion ligjor për të penguar këto ndryshime me argumentin se ato dëmtojnë bankën qendrore dhe pavarësinë e gjyqësorit.
Schulz tha se Orban nuk duhet të mendojë që të thotë gjë tjetër në Budapest dhe tjetër gjë në Bruksel.
Klima ekonomike në Hungari është përkeqësuar dhe ministrat e ekonomisë të BE-së janë shprehur se mund të merren sanksione nëse deficiti buxhetor nuk ulet nën 3 perqind të GDP-së.
“Kryeministri Orban është një njeri i aftë”, tha Schulz krah kryeministrit të Hungarisë. “Ai është i zgjuar pasi në Bruksel merr parasysh retorikën Evropiane ndërsa kur është në Budapest e njëjta retorikë është gjë e palejueshme. Kështu evropianë duhet të kenë parasysh se ai është një njeri i mençur por si lider partie ai duhet të marri parasysh se liderët evropianë nuk janë budallenj”, shtoi Schulz.
Kreu i PE-së ka nënvizuar se pret reflektim nga ana e kreut të qeverisë Hungareze. KE hapi një proces gjyqësor nga Hungarisë me 17 janar duke i lënë një muaj kohë vendit që ti përgjigjet shqetësimeve të ngritura.
Deputeti i gjakosur
Një deputet ukrainas është lënë i gjakosur shtrirë për tokë pas një sherri masiv në parlament. Dhuna nisi pasi një ligj i miratuar lejon përdorimin e gjuhës ruse në gjykatë, spital dhe institucionet e tjera në zonat ku ka banorë rusisht folës.
I plagosuri, deputeti opozitar, Mykola Petruk, u dërgua në spital pasi mori të cacra në kokë. Parlamenti i Ukrainës është kthyer shpesh në arenë boksi. Në prill të vitit 2010 pas një sherri gjashtë...
