Publikuar me : 16.12.2011 Ne :
Kuriozitete - 63 Lexime. Origjina : Gazeta Shekulli
Vargje nga Arben Duka
O Sali, o yll, o dritë
ti na provokon përditë
Ç’ka ndodhur me ty o shoku
që t’u bë fiksim ky Zogu?!
Sivjet kemi ca festime,
ti do bësh ca korrigjime
Korrigjim të historisë,
për festën e pavarësisë
Do jetë tok te memoriali
Zogu dhe ‘Smail Qemali
Gjersa ti ringjall Zogollin
Çfarë me thua për Fan Nolin?
Gjersa ti ringjall Ahmetin
Ç’thua për Bajram Hazretin?
Për Gurakuq e Prishtinë
Riza Cerovë e Avninë?
Kur të nisësh rindërtimin,
mos harro Is’ Boletinin
Se Isa ishte në Vlorë,
më 28 nëntor…
S’mund të lesh jashtë korrigjimit
Komandantin e çlirimit
Besoj se e sjell ndër mënd
Idhullin dhe zotin tënd
Qe ai që bëri shtet
Nja dyzet e kusur vjet
Ti e kishe ideal
Sun mos jetë në memorial
Veç ca emra unë përmenda
S’është se monument u gdhenda
Se unë shkruaj poezi
Monumentet i ngre ti!
Potë jenë të gjithë sa thanë
në memorial në Tiranë
Do ta kemi një problem
Bëj durim se do ta them
Do rrethohet Zog’ i Parë
me ata që i ka vrarë
Pota them në parantezë
do duket si mac’e zezë
O Sali, o lumë, o lumë
pse nuk bën referendum?
Se vjen një që do Enverë
Dhe ta hedh mbretin në erë..
