Tashme Serbia eshte fare prane realizimit te aspiratave te saj europiane, te shprehura vazhdimisht nga nje sere lideresh liberale e te moderuar, sic eshte dhe presidenti Boris Tadic. Ne deklaraten e mbajtur pas arrestimit te Mlladicit, Tadic ka thene se tashme Serbia e ka mbyllur kapitullin e krimeve te luftes, ndersa ka marre lavderime nga Ketrin Ashton, shefja e politikes se jashtme te BE, qe ndodhej per koincidence ne Beograd pikerisht diten e arrestimit te Tadicit.


Politika e jashtme serbe duhet lavderuar per aftesine e saj dhe largpamesine qe i beri te mundur ketij shteti qe ne njezet vitet e fundit ka hyre ne lufte me cdo fqinj te vetin, e ushtria e te cilit eshte konsideruar fajtore per nje sere krimesh makabre e gjenocidesh nder kroate, bosnjake e shqiptare.


Po si ia doli Serbia te jete e para ne rrugen e integrimit europian duke lene pas viktimat e veta, si Kosoven e Bosnjen, madje duke lene pas edhe shtete qe krenohen si faktore stabiliteti e paqeje ne rajon, sic eshte Shqiperia?


Se pari, serbet gjithnje kane negociuar maksimalisht. Çdo kerkese qe u eshte bere nga europianet, eshte plotesuar nga serbet vetem pasi kane marre shperbimin me te madh te mundshem. Keshtu ata e kane dorezuar Karaxhicin vetem pas 13 vjetesh, duke fituar keshtu simpatine e Barrosos, dhe duke marre udherrefyesin per integrimin ne Europe.

Po ashtu Serbia nuk ka pranuar te hyje ne negociata me Kosoven, duke deklaruar se Kosova eshte pjese e Serbise, edhe pse e dine mire qe pavaresia e Kosoves eshte e pakthyeshme, per shkaqe gjeopolitike e jo vetem. Keshtu Serbia eshte perkedhelur gjate, e vetem pasi u liberalizuan vizat me BE (para Shqiperise, dhe natyrisht para Bosnjes e Kosoves se viktimizuar nga vete Serbia), filluan negociatat - nga te cilat, sic eshte shprehur se fundmi ministri i brendshem serb, Dacic, serbet shpresojne te perfitojne territor ne Kosoven veriore, si dhe kontroll mbi zonat administrative te qeverisura nga serbet ne Kosove.


Me kapjen e Mlladicit, pas plot 16 vjetesh arrati, serbet i kane permbushur te gjitha kushtet per tu anetaresuar ne BE. Askush nuk ngre me pikepyetje mbi deklaraten e Tadicit per kapitullin e mbyllur te krimeve te luftes.


Shahu diplomatik serb i dha rezultatet e veta, e nxori nga nje situate shume e veshtire Serbine qe tani merr edhe anetaresine ne BE, edhe pretendon per pjese te Kosoves, e pse jo te Bosnjes (kujtojme deklaratat e fundit per nje ndarje te Republikes Srpska prej federates se Bosnjes). Nderkohe viktimat, saje nje sere politikanesh te paafte e te korruptuar, por edhe saje menaxhimit katastrofal te protektoreve nderkombetare, jane shume larg pretendimeve per te patur shtete normale, si ne Bosnje, ashtu edhe ne Kosove.