Publikuar me : 11.11.2011 Ne :
Sport - 91 Lexime. Origjina : Gazeta Shekulli
Shtyrja e sfidës së shumë pritur të javës në Serinë A, Napoli-Juventus, për shkak të motit të keq, bëri që vëmendja të përqendrohet tek Lazio dhe Udinese, të cilat me anë të fitoreve, të dielën kanë kaluar në krye të renditjes.
Skulli i dha fitoren 1-0 lacialëve në minutën e 85 të takimit, në ndeshjen e zhvilluar në Romë ndaj Parmës, ndërsa Udinese ka fituar 2-1 ndaj Sienës falë golave të Basta dhe Di Natale.
Vetëm një pikë pas tyre renditet Milani, që mund Katanian 4-0 dhe feston fitoren e pestë radhazi. Për kuqezinjtë shënojnë Ibrahimoviç me 11- metërsh, Robinho, Lodi (autogol) dhe Zambrota.
Edmond Sufaj
Lojtari i kombëtares shqiptare, Hamdi Salihi, është kthyer në një idhull tek skuadra e tij DC Junajtid në kampionatin amerikan. Kanë mjaftuar katër gola në pesë ndeshjet e tij të fundit me skuadrën, që Salihi, nga një i padëshiruar të kthehet në idhullin e kësaj skuadre. Kalimi i tij nga Rapidi i Vjenës tek skuadra e Uashingtonit u konsiderua blerja më e rëndësishme e kësaj skuadre. Por fillimi i tij nuk ishte i suksesshëm, pasi ambientimin me futbollin...
