DURRES - Reshjet e shiut qe kane rene pergjate nates dhe mengjesin e djeshem kane shkaktuar probleme ne qytetin e Durresit. Jo vetem periferia, por edhe kryqezimet kryesore te qytetit jane gdhire te permbytura, nderkohe qe kalimtaret dhe automjetet e kane pasur shume te veshtire qarkullimin.

Problematike ka qene situata ne hyrje te qytetit bregdetar, prane stacionit hekurudhor, ne shetitoren Taulantia dhe ne zonat periferike si Plazh, Shkozet, Ish-Kenete dhe Spitalle. Shkak per kete eshte bere sidomos amortizimi dhe demtimi i sistemit te kanalizimeve, te cilat ne cdo kohe shirash shkaktojne grumbullimin e ujerave ne rruge.

Ne gjendjen ne te cilen jane kanalizimet, nuk kane mundur te perballojne sasine e madhe te ujerave siperfaqesore te krijuara nga reshjet e dendura.

Prefekti i Qarkut te Durresit, Genci Alizoti, ka organizuar nje mbledhje urgjente per te parapritur situatat emergjente qe mund te sjelle prishja e motit ne kete periudhe. Ne kete takim kane marre pjese perfaqesues te Bordit te Kullimit te Ujerave, Autoritetit Portual, Aluiznit, si dhe Ndermarrja e Ujesjelles-Kanalizimeve.

Sipas Alizotit, ne te eshte diskutuar gjendja problematike e kanaleve te ujerave te larta, si dhe zgjidhja me kontribut te perbashket e problemit te venies ne eficence te mekanizmave te Bordit te Kullimit. Keto dite, mekanizmat e duhura qe kane qene te difektuara, ndersa me ndihmen e bizneseve jane vene ne gatishmeri te perkohshme. Diten e enjte eshte vendosur qe te kontrollohet ne vend gjendja nga specialistet perkates dhe te caktohen perparesite e nderhyrjes.

Sipas Alizotit, gjendja eshte alarmante pasi ka zenie tombinosh, ndertime mbi kolektor dhe do te shihet me kete rast se ku do te nderhyhet me pare per te zgjidhur situaten, si per te pastruar sektore te bllokuar ose per te prishur banesa qe jane mbi kolektore.