TIRANE-Qeveria ka risjelle ne qender te diskutimeve nismen per privatizimin e rreth 1 280 pasurive shteterore, madje sipas kreut te qeverise, Sali Berisha, ky proces duhet te perfundoje pergjate ketij viti. Por cilat jane objektet qe tashme zyrtarisht kane dale ne shitje?

Pjesen me te madhe te listes e perbejne prona te Ministrise se Mbrojtjes sic jane repartet ushtarake, baterite e mbrojtjes kunderajrore, depot e armatimit, apo edhe fabrika te ndryshme te prodhimit te veshjeve te ushtrise. Madje ne liste jane futur edhe godinat e postave kufitare te ushtrise.

Po ashtu, ne listen e objekteve te nxjerra ne shitje jane perfshire edhe nje sere fabrikash dhe uzinash te tjera te cilat jane konsideruar edhe si krenaria e sistemit te kaluar komunist por qe tashme nuk shfrytezohen. Permendim ketu ish-ndermarrjen e Duhan Cigareve ne Durres, pjese e te ciles jane edhe nje sere magazinash dhe objektesh te tjera.

Ne liste gjenden edhe mjaft objekte te ish-kombinatit te tekstileve si dhe godina te tjera qe jane ne emer te Institutit te Ndertimit Tirane. Mjafton ti hedhesh nje sy listes per pare mjaft objekte dhe ndermarrje, te cilat ne shumicen e rasteve tashme nuk jane funksionale por ka edhe prej tyre qe ende shfrytezohen madje jane godina te strukturave te mbrojtjes se institcioneve shteterore, sic eshte Garda e Republikes. Nuk mund te lihet pa permendur vete godina e Komandes se Republikes.

Kjo godine eshte nen varesine e Ministrise se Brendshme, ashtu si dhe objektet e tjera ajo prêt te nderroje pronare deri ne fund te ketij viti. Ne liste gjithashtu eshte edhe aerodromi fushor ne Laprake, ose sic quhet ndryshe edhe Fusha e Aviacionit.

Kjo prone u be shkak per debate te ashpra midis qeverise dhe opozites ne veren e vitit te shkuar, per nisjen e procedurave te privatizimit ne te njejten kohe kur Bashkia e Tiranes po kryente nje plan zhvillimi nga ana e saj.

Bashke me Ministrine e Mbrojtjes, ish-Ndermarrja e Prodhimit te Çeliqeve ne Elbasan ka nje numer te konsiderueshem pronash dhe objektesh qe jane programuar per tu shitur.
Privatizimet kane qene nje nder perparesite kryesore te kesaj maxhorance qe prej marrjes se pushtetit ne vitin 2005.

Pasi shiti 76 per qind te aksioneve te OSSH-ne tek ceket e CEZ dhe ARMO-n duke marre rreth 230 milione euro nga te dyja keto transaksione, qeveria filloi procedurat per privatizimin e INSIG-ut dhe Albpetrolit.

Per sa i perket INSIG-ut, pas terheqjes qe amerikaneve te American Reserve Insurance, te cilet ishin shpallur fitues madje, te gjitha tentativat e tjera nuk kane dhene rezultat. Madje, qeveria ia kaloi Ministrise se Financave pergjegjesine e privatizimit te kesaj kompanie per te pershpejtuar procedurat. Nga ana tjeter, ne procesin e privatizimit te Albpetrolit deri me tani eshte permbyllur gjetja e kompanise konsulente.

Per pjesen me te madhe te privatizimeve, dokumentacioni pergatitet nga Ministria e Ekonomise Tregtise dhe Energjetikes. Qe pas zgjedhjeve te 28 Qershorit 2009 kjo ministri ka nderruar tre here kreun e saj si dhe nje pjese te drejtoreve te drejtorive te tjera duke vonuar edhe me teper procedurat e privatizimit.

Disa nga pronat qe kane dale ne shitje

INSIG-u

Albpetroli

Komanda e Gardes se Republikes ne Tirane

Termocentrali Korce

Uzina e perpunimit te naftes ne Cerrik

Makineri dhe pajisje te Uzines se Superfosfatit Lac

Ish-Ndermarrja Profarma Librazhd

Objekte te ish-Kombinatit te Tekstileve

Objekte te ish-Ndermarrjes se Duhan Cigareve Durres

Fusha e Aviacionit Laprake, Tirane

Objekte dhe prona te ish-metalurgjikut Elbasan (64 te tilla)

Linja e Prodhimit te Letres, Kombinati i Drurit Lezhe

Magazine nr. 6, nr. 7, nr. 8, nr. 9, nr. 10 dhe nr. 11 te Drejtorise se Rezervave te Shtetit Vlore