Shkoder, proteste per heronjte e “Vigut”

Publikuar me : 29.11.2011 Ne : Politike - 25 Lexime. Origjina : Gazeta Shekulli

Në Shkodër, 67-vjetori i çlirimit të vendit edhe këtë vit është festuar ndarazi nga politika në këtë qytet. Partitë e majta së bashku me veteranët e luftës Nacional-Çlirimtare, kanë festuar të martën duke bërë homazhe tek Varrezat e Dëshmorëve si dhe një aktivitet në ambjentet e brendshme të kinemasë së qytetit, ku kanë përkujtuar së bashku dy datat historike, 28 dhe 29 nëntorin.

Ndërkaq, sot janë shfaqur disa shoqata atdhetare nga Fieri, të cilat kanë protestuar pranë monumentit të 5 heronjve të Vigut, i vendosur në cepin e djathtë të Varrezave të Dëshmorëve pasi në janar të vitit 2009-të, u hoq nga sheshi në qendër të qytetit të Shkodrës.

Përfaqësues të shoqatave atdhetare si “Fronti Kombëtar Shqiptar”, “Identiteti e Bashkimi Kombëtar” dhe ajo e veteranëve të LANÇ,  kanë protestuar afër vendit ku ndodhet aktualisht monumenti i 5 herojve të Vigut dhe kanë kërkuar rikthimin e tij në qendër të qytetit. Ato kanë vendosur 5 flamuj kombëtarë pranë 5 herojve të derdhur në bronx dhe kanë rrethuar po me flamuj vendin përreth si dhe kanë protestuar.

Më 31 janar të vitit 2009, u bë ekzekutimi i vendimit të marrë nga Këshilli Bashkiak i Shkodrës në 25 shtator 2008, për zhvendosjen e monumentit të 5 herojve të Vigut nga qendra e qytetit të Shkodrës, ku ka qenë i vendosur që në vitin 1982 dhe dërgimi i tyre në afërsi të Varrezave të Dëshmorëve.     

Nga Anila  Dushi