Operacion antidroge, kater vete ne pranga


Kater vete jane arrestuar per kultivim dhe shitje te lendeve narkotike, si dhe per armembajtje pa leje ne nje operacion te policise se Korces. Ne pranga jane vene Nexhip Ibrahimllari, 29 vjec, i denuar me pare per vjedhje, Altin Pashollari, 28 vjec, D.Pashollari, 23 vjece dhe Lorenc Mucollari, 33 vjec arrestimi i te cilit u be pasi i eshte gjetur nje arme zjarri automatik te dhene nga shtetasi Nexhip Ibrahimllari. Policia gjithashtu ka shpallur ne kerkim V.B 28 vjec. Arrestimi i tyre eshte bere pasi ne bashkepunim me njeri-tjetrin kane kultivuar rreth 600 rrenje bime te dyshuara si kanabis sativa ne vendin e quajtur Guri i shpuar ne pyllin e fshatit Velcan dhe Sheshi i bukur ne pyllin e malit te fshatit Selce. Gjate kontrollit te ushtruar ne banesen e bashkeshorteve Altin dhe D.Pashollari u gjet dhe u sekuestrua ne cilesine e proves materiale nje qese plasmasi brenda se ciles ndodhej nje sasi bime e dyshuar kanabis sativa me peshe 56 grame. Gjithashtu, gjate kontrollit te ushtruar ne banesen e Nexhip Ibrahimllarit u gjet nje arme gjahu teke pa fisheke dhe nje pistolete sinjalizuese pa fisheke.

Qellon me grushta policin, ndalohet


Kundershton policine dhe ndalohet. Agron Kocaqi, 47 vjec, banues ne fshatin Strum te rrethit Fier eshte arrestuar nga policia. Ne njoftimin per shtyp te drejtorise se policise thuhet se arrestimi u krye pasi ne momentin qe Kocaqi eshte ndaluar prej tyre, ka fyer policine e sherbimit te policise te Stacionit te policise Roskovec. Dhe jo vetem kaq. Pasi i ka fyer dhe kundershtuar ne momentin e shoqerimit te tij ne komisariat ai i ka qelluar ata me grushta. Lidhur me kete ngjarje, ai u arrestua per vepren penale kundershtim i punonjesit te policise se rendit publik e goditje per shkak te detyres.

Plagos bashkefshataret per pronen, arrestohet


Pronesia eshte bere shkak per plagosjen e radhes ne zonat rurale te Dibres mes bashkefshatareve. Nje ngjarje e tille ndodhi dhe dje ne fshatin Sllatine ku nje 25-vjecar plagosi dy te tjere. Sipas policise vendore, filloi procedimi penal ne gjendje te lire ndaj shtetasit Krenar Plaku, banues ne fshatin Sllatine. Ai akuzohet per plagosje te lehte me dashje, pasi te marten, per motive pronesie, plagosi lehte shtetasin M.Plaku, 53 vjec dhe F.Plaku, 38 vjece.

Punetoret denoncojne pronarin, nuk i pagoi per 7 muaj


Punetoret kane denoncuar pronarin e firmes se ndertimit, nuk i paguante prej 7 muajsh. Sektori kunder Krimit Ekonomiko-financiar prane Drejtorise se Policise ne Elbasan bejne te ditur se ka nisur procedimi penal ndaj shtetasi Agim Yzo, 42 vjec, me banim ne Tirane. Procedimi ndaj tij filloi pasi kishte te punesuar prane firmes se tij te ndertimit disa punetore per nje periudhe 3-vjecare ne 7 muajt e fundit nuk iu kishte dhene rrogen per punen e kryer. Te gjendur perballe kesaj situate punetoret kane vendosur ti drejtohen drejtesise duke denoncuar pronarin e tyre. Nga ana e policise eshte bere verifikimi i pare dhe sipas te dhenave te policise, ka filluar procedimi penal ne gjendje te lire ndaj pronarit Yzo. Procedimi ndaj tij filloi pasi ky shtetas kishte punesuar prane kesaj firme shtetasit A.Baroti, 36 vjec, banues ne Elbasan, N.Gjorga, 47 vjec, banues ne Elbasan, Sh. Shabani, 50 vjec, banues ne fshatin Mengel Komuna Labinot-Fushe, Elbasan, A.Çekrezi, 21 vjec, banues ne fshatin Kodra Bujares dhe S.Stefa, 45 vjec, banues ne lagjen Kongresi Elbasanit Elbasan. Keta shtetas, sipas policise, prej nje periudhe 3-vjecare ishin te punesuar prane kesaj firme dhe prej 7 muajsh nuk paguheshin per punen e kryer. Materialet i kaluan Prokurorise se rrethit Gjyqesor Elbasan per veprime te metejshme per vepren penale punesim i paligjshem dhe mashtrim.

Demtohet linja e tensionit Korce-Pogradec


Maliqi dhe rrethinat perreth kane mbetur per te pakten 7 ore pa energji elektrike, shkak per kete eshte bere demtimi i linjes se tensionit te larte ne aksin rrugor Korce - Pogradec. Mesohet se nje skavator i cili po kryente punime ne lumin e Devollit ka keputur edhe 2 prej kabujve te kesaj linje, duke stakuar menjehere energjine ne te gjithe zonen perreth. Kabujt elektrike kane rene mbi rruge duke krijuar edhe nje situate problematike per drejtuesit e mjeteve, te cilet levizin ne kete aks rrugor. Policia rrugore ka bllokuar segmentin Libonik-Maliq, duke devijuar edhe rrugen e automjeteve ne nje rruge dytesore. Specialistet e OSSH-se kane punuar per ore te tera deri ne riparimin e defektit dhe kthimin e energjise per banoret e zones.