TIRANE- Vetem pak dite pas miratimit ne Kuvend vetem me votat e mazhorances e ne kundershtim te plote te opozites, kreu i shtetit ka dekretuar ndryshimet ne buxhetin e vitit 2010.

Dekreti, i firmosur sot nga presidenti i vendit, Bamir Topi i hap rruge zbatimit te ndryshimeve ne ligjin nr. 10 190, date 26.11.2009 Per buxhetin e vitit 2010.

Sipas buxhetit te rishikuar, nje sere institucionesh pesojne shkurtime te konsiderueshme te buxhetit ne dispozicion.

Ulja e buxhetit eshte kontestuar hapur nga PS-ja, sipas te ciles ai do te sjelle varferi ne shtim, rritje e numrit te papunesise dhe frenim i biznesit.

Deputetja e PS-se, Rudina Seseri gjate nje deklarate per mediat ka akuzuar per kete nisme kreun e qeverise dhe ministrin e Piramidave.

Shkurtimi i shpenzimeve godet rende investimet publike dhe punesimin sepse eshte bere ne menyre joprofesionale, pa metoda optimizimi, gje qe do te jape efektin e kundert ne ekonomi- ka thene ajo, duke shtuar se qeveria asnjehere nuk ka ditur te beje dallim midis shpenzimit dhe investimit, duke vene shenjen e barazimit mes tyre.

Sipas Seserit, ndryshimet ne buxhet nuk zbusin krizen, por e thellojne ate sepse jane ndryshime qe nuk shoqerohen me politika qe lehtesojne biznesin, nuk favorizojne prodhimin, nuk nxisin punesimin, nuk mbeshtesin familjet e varfra te perballojne shtrenjtimin e jeteses.

Ky buxhet do te ngadalesoje me tej ekonomine dhe do te varferoje shqiptaret- ka theksuar ajo.

Miratohet buxheti, perplasje fizike mes deputeteve

UPDATE- Mazhoranca ka miratuar pa votat e opozites ndryshimet ne buxhetin e vitit 2010, nderkohe qe ne salle ka plasur tensioni.

Ne konflikt jane perfshire fillimisht deputetet Lefter Maliqi dhe Kadeli, nderkohe qe me pare deputeti Maliqi eshte konfrontuar me deputetin e PS-se, Erion Brace.

Pas konfliktit, seanca u nderpre per disa minuta dhe u finalizua me votimin nen per nen te ndryshimeve ne buxhetin e shtetit.

Deputetet e mazhorances votuan me 75 vota pro ndryshimet, nderkohe qe opozita u largua nga votimi. Shenohet ne kete menyre mbyllja e Kuvendit per kete sesion.

Berisha ka mbrojtur shkurtimet e bera, duke akuzuar opoziten per veprim kriminal kur thote genjeshtra per rritjen e pensioneve. Ne shkurtuam shpenzimet dhe 45 milione euro u perdoren per rritjen e rrogave dhe pensioneve te shqiptareve. Me gjeni cili vend ka bere kete rritje te rrogave dhe pensioneve sic ka ndodhur ne Shqiperi, tha Berisha, duke i sugjeruar opozites te hetoje per shifrat dhe mos te mashtroje.

Opozita kundershton shkurtimet ne buxhet, qe sipas saj nuk zgjidhin krizen, por vetem e thellojne ate. Ne seancen e miratimit te buxhetit ne Kuvend, deputetja e PS-se, Mimi Kodheli ka akuzuar qeverine per paaftesi ne menaxhimin e krizes, nderkohe qe kambanat e alarmit kishin rene me kohe. Ne replike te saj, ministri Bode ka akuzar PS-se per mashtrim dhe te paverteta me shifrat.

Nderkohe qe vendet te tjera moren masa, qeveria Berisha nuk ngurroi te priste shirita inaugurimi dhe beri shpenzime te shfrenuara elektorale- tha Kodheli, duke shtuar se qeveria eshte e paafte te mbledhe te ardhurat me 27 miliarde leke.

Sipas saj, zerat e te ardhurave jane ne mosrealizim per shkak te krizes dhe korrupsionit. Ajo ka theksuar se buxheti i ri nuk zgjidh krizen, por e con ate prane qytetareve.

Sipas Bodes, qeveria rriti ne menyre reale pagat dhe pensionet, nderkohe qe te ardhurat jane 27.2perqind e Prodhimit te Brendshem Bruto.