Shperthen gazi ne minieren e Bulqizes, nje minator i vdekur, 9 te plagosur

Publikuar me : 18.10.2011 Ne : Kronike - 72 Lexime. Origjina : Gazeta Shekulli

(I përditësuar) – Një minator ka vdekur dhe 9 të tjerë janë plagosur pas shpërthimit të gazit në një nga puset e minierës të Bulqizës. Burime nga Bulqiza bënë të ditur për “Shekullin” fillimisht se nëntë minatorë ishin plagosur ndërsa 2 të tjerë rezultonin të zhdukur pas shpërthimit të gazit në një nga puset e minierës të Bulqizës.

Ngjarja e rëndë ndodhi në pusin numër 2 të minierës dhe për pasojë janë plagosur 9 minatorë ndërsa nuk dihet ende numri i saktë i minatorëve të cilët ishin duke punuar në galeri.

Të plagosurit janë dërguar me urgjencë në spitalin rajonal të Bulqizës ku po marrin edhe ndihmën mjekësore. Nuk dihen ende shkaqet e shpërthimit në minierë ndërkohë që burimet bëjnë të ditur se gazi ishte metan.

Pritet që të zbardhen shkaqet e ngjarjes.