Rikthehen debatet per vendosjen ne qytetin e Burrelit te shtatores se Ahmet Zogut. Muaj me pare, zyrtare vendore te Bashkise Burrel u konfliktuan gjate me nje pjese te keshilltareve te majte te kesaj bashkie, per heqjen e bustit te heroit kombetar, Gjergj Kastrioti Skenderbeu dhe vendosjen ne vend te tij te shtatores se Zogut. Por, nese atehere u debatua gjate per kete zevendesim, qe kundershtohej nga te majtet, tani debatet jane rikthyer mes vete te djathteve, pasi nuk bien dakord qe mbreti i veteshpallur i shqiptareve te zere vendin qe iu dha muaj me pare prej tyre. Ne kampin e koalicionit te djathte, ne qytetin e Burrelit, prej pak ditesh kane nisur perplasje te forta mes legalisteve, qe kerkojne vendosjen e shtatores se Zogut ne sheshin "Demokracia" (siç vendosi keshilli bashkiak) dhe forcave te tjera te ketij koalicioni, kryesisht te PD-se, qe nuk bien dakord qe monumenti i "mbretit" te zere vendin qe iu dha. Shtatorja e Ahmet Zogut, e realizuar nga nje studio private ne Tirane, me sponsorizime te perkrahesve dhe biznesmeneve te shumte matjane, tashme ka perfunduar dhe pritet te vendoset ne vendin e caktuar nga keshilli bashkiak. Por duket se fushata elektorale ka sjelle perplasjen e forte mes legalisteve dhe forcave te tjera politike te djathta te Matit. Legalistet nuk mund ta tolerojne vonesen ne vendosjen e shtatores ne vendin ku u caktua nga keshilli bashkiak. Ata kane bere publik dhe bocetin e shtatores pese metra te larte, qe tregon Zogun ne kembe, me rroba ushtarake e me shpate ne dore. Mirepo vendosja e shtatores ne sheshin "Demokracia", aty ku forcat e djathta politike te Matit zhvillojne tubimet, ka ngjallur debate te forta ne degen lokale te PD-se, aq me teper tani ne prag te zgjedhjeve te 28 qershorit. Ndaj, ne mbledhjen e fundit te kryesise se partise mesohet se u eshte kerkuar llogari vendoreve pse kane leshuar sheshin e mitingjeve. Kjo ka qene arsyeja qe prej disa muajsh, KRRT-ja e bashkise nuk e ka vene fare ne rend te dites vendimin per monumentin, ndonese eshte kerkuar disa here nga legalistet dhe LZHK-ja. Burime te sigurta informacioni prane PLL-se te Matit sqarojne se arsyet pse vonohet vendosja e shtatores se ish-mbretit Ahmet Zogu lidhen me fushaten elektorale qe sapo ka nisur, pasi, sipas tyre, demokratet frikesohen per rrjedhje te votave te tyre drejt PLL-se dhe LZHK-se. Gjithsesi legalistet, duke vendosur shtatoren ne qender te Burrelit, shpresojne te sigurojne me shume vota, nderkohe demokratet nuk e tolerojne nje gje te tille.