Zbulohet korrespondenca e fshehte e shtetit shqiptar me kompanite e huaja te naftes. Si u shmangen gjigantet boterore per ti dhene koncesionin e naftes bashkejetuesit te Albana Vokshit

Dokumentet sekrete

Deputeti socialist, Erjon Brace, ka publikuar dje dokumentet sekrete shteterore se si u shmangen kompanite e huaja dhe qeveria i dha koncesionin e naftes bashkejetuesit te deputetes Albana Vokshi. Nje dite me pare, Brace ishte paralajmeruar nga zyrtaret shteterore se do te paditej ne gjykate nese publikonte dokumentet. Ne to tregohet korrespondenca me kompanite prestigjioze nderkombetare dhe shmangia qe qeveria iu beri atyre.

TIRANE-Tre kompani te huaja jane refuzuar gjate vitit 2006 nga kompania shteterore Albpetrol, me tej nga Ministria e Ekonomise, Tregtise dhe Energjetikes, ne fund, perfundimisht nga Qeveria e Kryeministrit Sali Berisha! Te tre kompanite kishin shprehur interesin, kishin blere paketat ekonomike, kishin bere ofertat e tyre ekonomike per te arritur marreveshje me Qeverine e Kryeministrit Sali Berisha per vleresimin, zhvillimin dhe shfrytezimin e 4 nga 6 vendburimet kombetare ne nafte e gaz te Shqiperise.

Dokumentet e reja deshmojne se Saxon International Eenergy ltd, Hellenic Petroleum, Bankers Petroleum prej muajsh kishin hyre ne marredhenie me Albpetrol, kompani shteterore nen administrimin e Qeverise se Kryeministrit Sali Berisha. Interesi dhe ofertat e tyre i referoheshin kater vendburimeve karbonatike ne nafte dhe gaz; konkretisht Gorisht-Kocul, Cakran-Mollaj, Ballsh-Hekal dhe Delvine.

Por Albpetrol ka nderprere ne menyre te njeanshme praktiken e nisur me Saxon dhe Hellenic, ndersa oferten e kompanise Bankers nuk e ka bere fare te njohur per autoritetet e ngarkuara nga ligji per vendimmarrje. Ministria e Ekonomise e ka favorizuar kete praktike skandaloze. Madje ka bere me shume, ka detyruar qeverine te pranoje nje praktike thellesisht jo ligjore, jo konkurruese dhe te pa favorshme per interesin publik.
Ka qene Stream Petroleum ldt qe ka joshur Albpetrolin, zyrtaret shqiptare te se ciles kane qene si te dehur kur kane flakur ligj e rregull per te krijuar nje marredhenie konfidenciale dhe ekskluzive negociatash dhe marreveshjesh me kompanine e panjohur me pare te doktor Sotirios Kapotas.

Jo vetem te dehur por edhe te pa informuar! Mbi te gjitha euforike, te njeanshem, kembengules deri ne kokefortesi kur kane refuzuar ne menyre kriminale rekomandimet e Agjencise Kombetare te Burimeve Natyrore qe synonin kthimin ne ligjshmeri te procesit dhe ndertimin e tij ne favor te interesit publik.

Historia
Duke nisur nga mesi i vitit 2006, kompanite Saxon, Hellenic dhe Bankers kane hyre ne marredhenie me kompanine Albpetrol. Interesi i tyre ka qene konkret, per vendburimet karbonatike Gorisht-Kocul, Cakran-Mollaj, Ballsh-Hekal ne nafte dhe vendburimin Delvine ne gaz.

Dokumentet e reja tregojne gjithe praktiken e ndjekur, duke nisur nga prezantimi, shprehja e interesit, blerja e paketave teknike-ekonomike nga Albpetrol, oferta, negociimet, marreveshja per periudhen e vleresimit, marreveshja hidrokarbure, vendimmarrja e qeverise, dorezimi i puseve ne vendburimet nen marreveshje.
Por nuk ka ekzistuar barazi ne keto praktika.

Madje secila prej tyre ka qene nen vleresimin subjektiv te zyrtareve pergjegjes, nen vezhgimin dhe me pas urdhrat e Ministrise se Ekonomise. Kjo ka bere qe te mos kete pasur konkurrence, perzgjedhjeje ne favor te interesit publik por klientelizem dhe thjesht paracaktim e asociim te vendburimeve te rendesishme me kompanine e percaktuar!!!

Dokumenti i ri qe publikohet sot per here te pare deshmon kete.
DOKUMENT (1) , date 04.09.2006 titullohet INFORMACION SHUME I HOLLESISHEM MBI ECURINE E NEGOCIATAVE TE ALBPETROL SHA ME PARTNERET E HUAJ; Albeptrol i drejtohet Keshillit Mbikeqyres se Albpetrol sh.a; per dijeni Ministrit te Ekonomise, Genc Ruli, dhe Agjencise Kombetare te Burimeve Natyrore.

Kompania Saxon, reference ne faqen 3-4 te dokumentit
....Me daten 31.07.2006, me kerkesen tone, ne zyrat e Saxon ne Fier, u organizua nje takim me drejtuesit e kesaj kompanie....
Ne fund te takimit, drejtuesit e Saxon shtruan kerkesen per te terhequr paketat informative te vendburimeve karbonatike Gorisht-Kocul, Cakran-Mollaj, Ballsh-Hekal.
Nga ana jone, u kerkua qe Saxon te paraqiste kerkese zyrtare prane Albpetrol, kerkese kjo qe u perpilua nga ata....... dhe ka mberritur ne Albpetrol me date 06.08.2006 dhe ne mungese te punonjesve te protokollit i eshte dorezuar Drejtorit Teknik.
Drejtori Teknik pergatit draftin e marreveshjes konfidenciale per blerjen e paketave per te tre vendburimet se bashku dhe me daten 07.08.2006 i jepet Saxon-it per ta shqyrtuar. Me daten 08.08.2006 firmoset nga Saxon.
Saxon per te tre paketat i paguan Albpetrol-it shumen prej 7500 euro

Kompania Hellenic Petroleum, reference ne faqen 8-9 te dokumentit
.....Takimi me perfaqesuesit e Hellenic Petroleum Babis Karolidis, Stefanos Xenopoulos, Fedon Marnelis dhe Konstantinos Nikolaou u realizua me 29.06.2006 ne zyrat e Albpetrol ku u be nje prezantim i aktivitetit te Albpetrol, te cilen e bene dhe perfaqesuesit e Hellenic Petroleum.

Perfaqesuesit e Hellenic Petroleum ne menyre te vecante shfaqen interes per bllokun e Delvines dhe kerkuan nga ne te blinin paketen informative perkatese.
Me 07.07.2006 Hellenic Petroleum paraqiti kerkesen zyrtare vetem per blerjen e paketes informative per bllokun e Delvines, e cila mberriti ne Albpetrol me 12.07.2006.
Albpetrol pergatiti draftin e marreveshjes konfidenciale per paketen e Delvines dhe ju dergua me e-mail Hellenic Petroleum per te bere verejtjet perkatese.

Hellenic kthen ne Albpetrol 2 kopje te marreveshjes konfidenciale te firmosura prej tyre me daten 28.07.2006; me daten 30.07.2006 firmoset nga Albpetrol-i dhe se bashku me faturen per pagesen perkatese me daten 31.07.2006 i niset kopja Hellenic-ut e shoqeruar me njoftimin se nese do te ishin te interesuar per kete bllok, pasi te studionin paketen teknike, afati per propozimet e tyre per Marreveshjen e Termave Baze per Bllokun e Delvines duhet te vijne deri me daten 25.08.2006 (pasi zyrtarisht ata nuk kishin bere kerkese zyrtare per fillimin e negocimeve) per te mos vonuar ecurine e negocimeve me kompanite e tjera te cilat ishin me te avancuara ne procedure. Ky njoftim iu dergua me e-mail.

Me 11.08.2006 behet pagesa nga ana e Hellenic Petroleum per paketen......
Ne nje bisede verbale telefonike, perfaqesuesit e Hellenic Petroleum kerkuan mundesine e shtyrjes se afatit per daten e parashtrimit te propozimeve te tyre. Nga ana e Albpetrolit iu be e qarte se limiti maksimal i mundshem mund te jete data 15.09.2006, por per te realizuar kete shtyrje afati, kompania duhet te paraqese kerkesen zyrtare gje e cila deri me sot me daten 03.09.2006 nuk ka mberritur ne Albpetrol.

KOMPANIA BANKERS PETROLEUM
Per kete kompani, interesin dhe oferten e saj, Albpetrol nuk ka asnje informacion ne dokumentin informues te cituar me siper. Por ne nje dokument te dyte, edhe ky i publikuar sot per here te pare-gjejme shenja te dukshme te interesit dhe ofertes se Bankers paraqitur prane kompanise Albpetrol.

DOKUMENT(2), date 26.01.2007, nr.61 prot, titullohet MBI TERMAT BAZE TE MARREVESHJES HIDROKARBURE PER VENDBURIMET E NAFTES NE GELQERORE; Agjencia Kombetare e Burimeve Natyrore i drejtohet ministrit te Ekonomise, Genc Ruli.
Reference ne faqen 1 te Dokumentit
....gjithashtu veme ne dukje se AKBN-se me daten 28.12.2006, i eshte derguar nga Bankers, propozimi qe kjo kompani i bente Albpetrol per te aplikuar per hyrjen ne marreveshje per vendburimet e naftes ne Gorisht-Kocul, Cakran-Mollaj, Ballsh-Hekal. Ne lidhje me kete propozim te Bankers, Albpetrol nuk ka bere asnje kalkulim, per te pare se si vjen ai per interesat e tij dhe AKBN nuk ka asnje prononcim prej Albpetrol.
.....Me pare duhet te qartesojme se Bankers ka aplikuar per vendburimet e naftes Gorisht-Kocul, Cakran-Mollaj, Ballsh-Hekal por jo per vendburimin e Delvines

Te dy dokumentet e cituar, deshmojne qarte se tre kompani te huaja, te cilat operonin me sukses edhe ne Shqiperi, kishin nisur procedurat per te hyre ne Marreveshje me kompanine Albpetrol, Ministrine e Ekonomise dhe Qeverine e kryeministrit Berisha me qellim zhvillimin dhe shfrytezimin e 4 prej 6 vendburimeve kombetare te naftes e gazit!
Nderkohe, te dy dokumentet deshmojne edhe me qarte se kompania Stream Petroleum ishte e preferuara e Albpetrol, madje e favorizuara e saj. Per kete shkak, Albpetrol paracaktonte per kompanite e tjera te interesuara afate te pa logjikshme per te bere propozimet e tyre. Madje as qe merrte ne konsiderate propozimet e tyre kur ato ndodhnin.

Ne nje akt te pa precedente, Albpetrol vendos te lidhe nje marreveshje ekskluziviteti me Stream Petroleum, marreveshje qe i nxori te tre kompanite e tjera nga nje gare e mundshme qe mund ti jepte Albpetrol, Ministrise se Ekonomise dhe Qeverise se Kryeministrit Sali Berisha, marreveshjen me te mire nisur nga interesi publik.
Por mesa duket, interesi publik eshte gjeja e fundit qe udheheq Qeverine e shqiptareve. Qeveria e Kryeministri i kane humbur shtetit interesin natyral, ate publik duke e perdorur thellesisht per interesin personal, perfitimet qe burojne prej tij e qe ne fakt dalin prej grabitjes se pasurise publike.