Publikuar me : 04.01.2012 Ne :
Rajoni - 64 Lexime. Origjina : Gazeta Shekulli
Cristina Fernandez
Presidentja e Argjentinës, Cristina Fernandez de Kirchner do të operohet sot për të hequr gjëndrat kancerogjene në tiroide. Lajmi është bërë i ditur nga agjencia e lajmeve ANSA, sipas së cilës 58-vjeçares i janë dhënë shpresa të mëdha nga mjekët për një rikuperim të plotë, pasi tumori nuk është përhapur në zona të tjera të trupit.
Operacioni do të zhvillohet në Buenos Aires. Kirchner është e veja e ish-Presidentit të Argjentinës, Nestor Kirchner. Ajo fitoi një mandat të dytë në krye të shtetit me 40 milion banorë në tetor, ndërsa konsiderohet gjerësisht si një prej udhëheqësve më popullore, që ka patur ndonjëherë Argjentina.
Deputeti i gjakosur
Një deputet ukrainas është lënë i gjakosur shtrirë për tokë pas një sherri masiv në parlament. Dhuna nisi pasi një ligj i miratuar lejon përdorimin e gjuhës ruse në gjykatë, spital dhe institucionet e tjera në zonat ku ka banorë rusisht folës.
I plagosuri, deputeti opozitar, Mykola Petruk, u dërgua në spital pasi mori të cacra në kokë. Parlamenti i Ukrainës është kthyer shpesh në arenë boksi. Në prill të vitit 2010 pas një sherri gjashtë...
