Publikuar me : 04.01.2012 Ne :
Ekonomi dhe Biznes - 34 Lexime. Origjina : Gazeta Shekulli
Ministria e Financave në bashkëpunim me Bankën e Shqipërisë do të realizojnë sot ankandin e shitjes së obligacionit 3-vjeçar, me një shumë prej 1.5 miliardë lekë, i cili do të shlyhet deri në vitin 2015.
Sipas informacioneve më të fundit kuponi indikativ i ofruar nga Ministria e Financave do të jetë 8.65 perqind dhe do të paguhet çdo 6 muaj, përkatësisht në datat 06 Korrik dhe 06 Janar. Obligacionet ose bonot e Thesarit janë letra me vlerë të borxhit të emetuara nga Qeveria e Republikës së Shqipërisë, të përfaqësuar nga Ministria e Financave në formë regjistrimi.
Si rezultat i kësaj nisme qeveria pritet të ulë kostot e kthimit të borxhit, për shkak të zgjatjes së afateve të shlyerjeve. Nga ana tjetër, ata që blejnë këtë borxh, që mund të jenë edhe individë, mund të përfitojnë interes më të lartë.
Sipas rregullores së financave, subjektet të cilët kanë të drejtë të marrin pjesë në ankand për blerjen e obligacioneve janë bankat e nivelit të dytë, të cilat kanë edhe licencën përkatëse për këtë proces.
Ministri i Ekonomisë, Tregtisë dhe Energjetikës, Nasip Naço
Ministri i Ekonomisë, Tregtisë dhe Energjetikës, Nasip Naço, zhvilloi sot një vizitë në disa kompani në Durrës, të cilat janë financuar nga linja e kredisë prej 25 milion euro e programit italo-shqiptar për zhvillimin e SME-ve në Shqipëri.
Së bashku me ministrin Naço, në këtë vizitë ishte dhe ambasadori i Italisë në Tiranë, z. Massimo Gaiani dhe Drejtori i Kooperacionit Italian për Zhvillim, Andrea...
