Me 1960, Martini dhe Markosi moren rrugen ne kerkim te nje jete te re ne Evropen e progresit dhe lirive. Lene familjet e tyre ne Spanje dhe nisen drejt Zvicres, ku fillimisht bejne punen e mekanikut ne fabriken e nje fshati te vogel industrial.
Kohe me vone Martinit i vjen gruaja, Pilari bashke me djalin e tyre Pablon, kurse Markosit e fejuara, Maria Karmeni.
Te veshtire e kane te peste personazhet pershtatjen me mendesite e botes se re. Kur duket sikur jane rehatuar, Martini meson per vdekjen e babait te tij e i duhet te kthehen te gjithe bashke ne Spanje.
Per cudi, kthimi behet me i veshtire se ikja. Historine e emigrimit te njerezve nga Spanja e 60-es, regjisori spanjoll Carlos Iglesias e beri film me titull Nje frange, 14 peseta (Un Franco, 14 pesetas, 2006). Iglesias ka futur ne film ate cope te jetes se tij qe lidhet me emigrimin.
Jo pa qellim, Ambasada e Spanjes ne Shqiperi zgjodhi ta hape me kete film dje, Javen e IX te kinemase spanjolle Evropa ne ekran ne qytetin e Pogradecit. Filmi, ashtu si edhe te tjeret qe do te shfaqen deri me 13 gusht ne Odeonin e qytetit te Pogradecit, tregon sfidat dhe pengesat qe Spanja ka jetuar 50 vitet e fundit.
Ky eshte aktiviteti i katert qe Ambasada e Spanjes zhvillon neper Shqiperi, pas Tiranes, Shkodres, Beratit dhe eshte pjese e programit kulturor te mbylljes se Presidences Spanjolle te BE-se. Per shtate dite publikut te Pogradecit i jepet mundesia te shohe filma spanjolle te realizuar ne vende te ndryshme, ne Portugali,Gjermani, apo France.
Filmat jane Heshtja perpara Bahut (El silencio antes de Bach, 2007) i regjisorit Pere Portabella; Arkat Spanjolle (Las cajas españolas, 2004) i regjisorit Alberto Porlan; Ekspresi i Jugut (Sud Express, 2005) i regjisoreve Chema de la Peña dhe Gabriel Velázquez; Ajo cka di une per Lolen (Lo que sé de Lola, 2006) i regjisorit Javier Rebollo.
Filmat shfaqen cdo nate ne oren 21.00.
