Publikuar me : 21.10.2011 Ne :
Rajoni - 73 Lexime. Origjina : Gazeta Shekulli
Në një deklaratë përmes televizionit disa orë pas prononcimit të ETA-s, kryeministri i Spanjës, Hoze Luis Rodrigues Zapatero, e cilësoi thirrjen si “jashtëzakonisht të rëndësishme” dhe “vitore të demokracisë”.
“E jona do jetë demokraci pa terrorizëm, por jo pa kujtesë”, tha Zapatero duke iu referuar 829 viktimave të ETA-s.
Ai i dërgoi sinjal Francës, e cila është përdorur tradicionalisht nga ETA si bazë e dytë, dhe Presidentit të saj Sarkozi për asistencë në dialogun me ETA-n.
Grupi separatist bask ETA ka bërë thirrje për “ndërprerjen përfundimtare” të fushatës së vendosjes së bombave dhe vrasjeve. Ata bënë thirrje për nisjen e një procesi të dialogut të drejtpërdrejtë. “Kemi një shans historik për të arritur një zgjidhje demokratike për konfliktin e vjetër politik”, thuhet në thirrjen e ETA-s ndaj Spanjës dhe Francës.
Nëse shkohet përtej deklaratës, kjo mund të çojë në fundin e erës së fushatës së dhunshme të ndërmarrë nga ETA, ku në më shumë se 40 vite kanë mbetur të vrarë mbi 800 njerëz.
Deklarata e ETA-s erdhi pas një konference të mbajtur në qytetin bask ku morën pjesë ish-sekretari i Përgjithshëm i OKB-së, Kofi Anan, dhe protagonistë të procesit të paqes në Irlandën e Veriut.
ETA konsiderohet si organizatë terroriste në Spanjë, SHBA dhe Bashkimin Evropian.
Deputeti i gjakosur
Një deputet ukrainas është lënë i gjakosur shtrirë për tokë pas një sherri masiv në parlament. Dhuna nisi pasi një ligj i miratuar lejon përdorimin e gjuhës ruse në gjykatë, spital dhe institucionet e tjera në zonat ku ka banorë rusisht folës.
I plagosuri, deputeti opozitar, Mykola Petruk, u dërgua në spital pasi mori të cacra në kokë. Parlamenti i Ukrainës është kthyer shpesh në arenë boksi. Në prill të vitit 2010 pas një sherri gjashtë...
