DESHMIA/ Bashkejetuesi i deputetes Vokshi ka deklaruar se Avllajt iu dha 20perqind e aksioneve me mendimin se do te kishin lehtesira ne bashki per shkak te njohjes qe ai kishte me kryebashkiakun

TIRANE- Arian Tartari pranoi para hetuesve se Tan Lepurin e ka perfshire ne aksione me 20perqind te investimit vetem per faktin e njohjes se tij me kryebashkiakun Edi Rama dhe lehtesirave qe ai mund te perfitonte nga kjo njohje.

Lajmi konfirmohet nga burimet zyrtare te Prokurorise se Pergjithshme, te cilet sqaruan se ne asnje rast deklaruesi Tartari nuk ka pranuar direkt se i ka dhene 20perqind te aksioneve Dritan Avllajt per shkak se ky i fundit e ka detyruar.

Ne aksioneret, duke pare se si funksionon ne Shqiperi, kemi marre nje vendim pragmatist per tia dhuruar 20perqind te aksioneve shtetasit Dritan Avllajt i njohur si Tan Lepuri per shkak te njohjeve qe ai ka me kryetarin e Bashkise se Tiranes Edi Rama.

Si pasoje e kesaj njohjeje, menduam dhe vendosem ta perfshijme per shkak se do kishim lehtesira ne studimin e zones dhe marrjen e lejes se ndertimit nga Bashkia e Tiranes, per shkak te kesaj njohjeje,- tha Tartari para dy prokuroreve te ceshtjes, me cilesine e deklaruesit.

Ne asnje rast konfirmuan burimet e prokurorise, Tartari nuk ka pranuar se ka qene i detyruar nga persona te trete apo nga vete Avllaj per perfshirjen e tij si aksioner ne shoqerine Vizion Construction.

Kjo e fundit do te ndertonte ne marreveshje me pronaret e tokes nje kompleks banimi dhe sherbimi tek Liqeni Artificial.

Gjithashtu, u konfirmua se ne ditet ne vazhdim, njesia e Task-Forces pas studimit, krahasimit dhe analizimit te deshmive te dhena nga Dritan Avllaj, Rrahman Selmanllari dhe Arian Tartari do te beje ballafaqimin e deshmive te tyre dhe vete ata me njeri-tjetrin ne ambientet e institucionit te akuzes

Ne ditet ne vazhdim, pas studimit te deklarimeve te te gjithe te pyeturve me cilesine e deklaruesve, do te behet ballafaqimi fizik i tyre dhe deshmive te dhena ne prokurori. Ky ballafaqim do te ndihmoje ne identifikimin e personit (ideatorit) te bashkimit te ketyre biznesmeneve ne nje kontrate te vetme bashkepunimi, thuhet nga prokuroria.

Mesohet gjithashtu se prokuroret e ceshtjes Ardian Braho dhe Valentin Preci, nen drejtimin e drejtuesit te Task-Forces prokurorit Dritan Rreshka, kane derguar ne adrese te familjes Sharra njeherazi edhe pronaret e tokes ku do te behej ndertimi i kompleksit te banimit dhe sherbimeve ne nje siperfaqe prej mbi 17 mije metrash katrore.

Prej pronareve te tokes, sipas prokurorise, do te mesohet se cilet ishin personat e pare te kontaktit qe i kerkuan atyre truallin per ndertimin e kompleksit te banimit dhe cila ishte marreveshja mes tyre dhe investitoreve te ndertimit.

Njesia e Task-Forces ne prokurorine e kryeqytetit qe ne fund te muajit gusht ka filluar procedimin penal per akuzat e korrupsionit aktiv dhe pasiv te personave qe ushtrojne funksione publike dhe shperdorim te detyres, pas deklarimeve ne media te deputetes Albana Vokshi, e cila akuzoi direkt kreun e Bashkise se Tiranes, Edi Rama, per favorizim te ndertuesve te cilet luajne rolin e sekserit.