Publikuar me : 26.12.2011 Ne :
Rajoni - 85 Lexime. Origjina : Gazeta Shekulli
Shtatë persona janë gjetur të vrarë në apartamentin e tyre në Teksas. Familja prej 7 pjesëtarësh që sapo kishin hapur dhuratat e Krishtlindjeve janë gjetur nga policia të vrarë me armë zjarri, pas telefonatës së marrë prej tyre.
Sipas autoriteteve amerikane, vrasjet dyshohet t’i ketë kryer njëra prej viktimave: katër femra dhe një mashkull, të gjithë të moshës 18-60 vjeç.
Viktimat janë gjetur në dyshemenë e dhomës së ndenjes rreth orës 11:30 të ditës së djeshme.
Ka qenë pikërisht telefonata urgjente e marrë nga ky numër (gjatë të cilës nuk fliste askush), ajo që ka shtyrë policinë të shkonte në vendin e ngjarjes.
Deputeti i gjakosur
Një deputet ukrainas është lënë i gjakosur shtrirë për tokë pas një sherri masiv në parlament. Dhuna nisi pasi një ligj i miratuar lejon përdorimin e gjuhës ruse në gjykatë, spital dhe institucionet e tjera në zonat ku ka banorë rusisht folës.
I plagosuri, deputeti opozitar, Mykola Petruk, u dërgua në spital pasi mori të cacra në kokë. Parlamenti i Ukrainës është kthyer shpesh në arenë boksi. Në prill të vitit 2010 pas një sherri gjashtë...
