Publikuar me : 21.12.2011 Ne :
Politike - 59 Lexime. Origjina : Gazeta Shekulli
Gjykata Ushtarake e Pireut ka dënuar dje vetëm dy prej 39 ushtarëve grekë që hodhën parullat antishqiptare gjatë paradës së 25 marsit të vitit 2010.
Dy prej anëtarëve të Togës së zhytësve të Marinës Ushtarake greke u shpallën fajtorë, duke u dënuar me 3 muaj e gjysmë burg, ndërsa 37 të tjerët u shpallën të pafajshëm.
Trupi gjykues mori për bazë videon e paraqitur nga pala akuzuese.
Sipas arsyetimit të gjykatës, në pamjet e videos shfaqeshin duke lëshuar thirrje raciste vetëm dy ushtarët e shpallur fajtorë.
Në seancën e javës së kaluar, prokurori i çështjes u kërcënua fizikisht, çka çoi në shtyrjen e vendimit për ditën e djeshme.
Në seancën e djeshme, prokuroi i çështjes mungonte, ndërsa në anën e akuzës sihte gazetari Dimitris Angelidhis, i cili ishte i pari që e denoncoi rastin në media.
Thirrjet raciste në adresë të shqiptarëve, turqve dhe maqedonasve u lëshuan gjatë paradës së 25 marsit të 2010, me rastin e festës kombëtare të Greqisë.
“Grek lind, kurrë nuk mund të bëhesh” ose “me lëkurën e shqiptarëve do të bëjmë këpucë “,- ishin disa nga parullat që brohorisnin njerëzit e forcave speciale gjatë paradës.
Edi Rama
Në një kohë kur kryeministri i vendin, Sali Berisha, ka nisur negociatat me kryetarët e partive të koalicionit qeverisës, lideri i opozitës shprehet se ende nuk ka marrë një përgjigje për ftesën zyrtare për takim. Rama duke bërë të ditur se mbetet i gatshëm për të takuar Berishën ka nënvizuar se takimet e tij me Metën, Mediun dhe Idrizin janë teatrale dhe se nuk pranon që takimi mes tyre të jetë i tillë.
“E kam ftuar kryeministrin zyrtarisht javë më...
