Publikuar me : 14.10.2011 Ne :
Politike - 45 Lexime. Origjina : Gazeta Shekulli
Kryetarja e Parlamentit akuzoi sot hapur opozitën se ishte shkaktarja kryesore që Shqipëria nuk mori statusin e vendit kandidat për në BE. Në një deklaratë për mediat ajo theksoi se bojkoti i liderit të PS-së ja arriti qëllimit.
Topalli komentoi dhe në lidhje me deklaratën e Presidentit Topi, i cili pas marrjes së raportit theksoi se krerët e ekzekutivit dhe të legjislativit të cilët përmenden në raport duhet të jenë më të kujdesshëm dhe ta bëjnë më mirë punën e tyre.
“Kam lexuar raportin dhe në mënyrë shumë të veçantë për çështjet e drejtësisë dhe gjyqësorin dhe për korrupsionin e madh që ka aty brenda. Për sa i takon arsyes, për të cilën nuk është marrë statusi i vendit kandidat, mund të them se janë bojkoti dhe bllokim i opozitës. Unë i kam parë gjithmonë bashkë, zotin Topi dhe zotin Rama gjatë gjithë këtyre viteve”, theksoi kryetarja e Parlamentit.
Duke vazhduar më tej Topalli u shpreh se “lidhja” e Presidentit Topi me Ramën ka të bëjë me celulën anti-evropiane.
Edi Rama
Në një kohë kur kryeministri i vendin, Sali Berisha, ka nisur negociatat me kryetarët e partive të koalicionit qeverisës, lideri i opozitës shprehet se ende nuk ka marrë një përgjigje për ftesën zyrtare për takim. Rama duke bërë të ditur se mbetet i gatshëm për të takuar Berishën ka nënvizuar se takimet e tij me Metën, Mediun dhe Idrizin janë teatrale dhe se nuk pranon që takimi mes tyre të jetë i tillë.
“E kam ftuar kryeministrin zyrtarisht javë më...
