Hyn ne fuqi buxheti i ri, shkurtohen ndjeshem fondet per ministrite dhe institucionet kushtetuese

TIRANE- Presidenti Topi dekretoi dje ndryshimet ne buxhetin e shtetit per vitin 2010. Ndryshimet ne buxhet u miratuan me 19 korrik ne Parlament, pas debateve te shumta ndermjet mazhorances dhe opozites. Kreu i qeverise Berisha mbrojti buxhetin, duke shpjeguar domosdoshmerine e ndryshimeve ne buxhetin e ketij viti.

Ne fjalen e tij perpara deputeteve kryeministri Berisha u shpreh se ndryshimet ne buxhet u diktuan nga dinamizimi i prioriteteve dhe perparesive qe qeveria ka per zhvillimin afatgjate ekonomik te vendit.

Ne vijme para qytetareve, duke propozuar shkurtimin e shpenzimeve te larta administrative, mbi te gjitha si nje vendosmeri e kesaj qeverie per te cuar mesazhet me pozitive ne qarqet financiare te vendit, rajonit, Europes e me gjere, - sqaroi kreu i qeverise.

Kryeministri Berisha deklaroi se Shqiperia eshte i vetmi vend ne Europe qe ka realizuar rritjen e rrogave dhe te pensioneve, pavaresisht kushteve te krizes globale.

Deklaratat e shefit te mazhorances u kundershtuan nga opozita. Sipas kreut te grupit parlamentar te PS-se, Gramoz Ruci, kryeministri mbajti demagogjine e radhes dhe kujtoi se opozita qysh ne muajin nentor kishte kerkuar ndryshim te buxhetit, nisur nga kriza globale.

Nderkohe, kreu i shtetit miratoi ligjin per Prokurimin Publik dhe ligjin Per ratifikimin e Marreveshjes ndermjet Keshillit te Ministrave te Republikes se Shqiperise dhe Qeverise se Republikes se Sllovenise per shkembimin dhe mbrojtjen reciproke te informacionit te klasifikuar.