Presidenti i Republikes dhe Ambasadori i OSBE-se apelojne per zgjedhje sipas standardeve

TIRANË- Ambasadori i OSBE-se ne Tirane, Robert, ka kerkuar dje qe tradita e votimit ne grup te mos njollose standardet e procesit zgjedhor ne 2009 dhe qe shqiptaret te kene ne dore kartat e identitetit.

"Duhet te tregoni se jeni te afte te beni zgjedhje te lira dhe te tregoni kete here se mund te votoni individualisht, duke eliminuar votimin familjar, pjese te tradites shqiptare ne zgjedhje. Ne qofte se politikanet shqiptare jane serioze ne ambiciet integruese, duhet ta denojne kete praktike dhe Komisioni Qendror i Zgjedhjeve ta ndaloje me 28 qershor.

Gjithashtu, aplikoni per karta identiteti dhe i terhiqni ato per kohen qe u shty nga Ministria e Brendshme",- tha Bosch, gjate ceremonise se diplomimit te grave te perfshira ne projektin "Rritja e pjesemarrjes femerore ne proceset zgjedhore". Apel per zgjedhje te ndershme dhe larg nje tradite tjeter qe i ka shoqeruar ato ne vite, dhunes, ka bere dhe Presidenti i Republikes, Bamir Topi.

"Shoqeria shqiptare ka shume, shume nevoje qe zgjedhjet e dates 28 te zhvillohen vertet te lira, te zhvillohen ne nje klime te qete, t'i largohemi ne menyre definitive episodeve te dhunshme, qe ndodhin diku dhe qe duhet te denohen nga te gjithe, dhe mbi te gjitha te tregojme qe zgjedhjet e dates 28 qershor do te jene nje arritje e rendesishme per Shqiperine, mbas se cilave rruga drejt Bashkimit Evropian padyshim qe nuk do te jete nje rruge e ngushte, nuk do te jete nje rruge me kthesa, por do te jete nje bulevard i gjere!",- tha Topi.

Ndersa ne nje interviste per "Zerin e Amerikes", Presidenti i Republikes shtoi se, te gjithe presin qe kjo fushate te perfundoje ne menyren me te mire te mundshme."Ajo qe eshte me e rendesishmja, eshte qe data 28 qershor te jete dita e kurorezimit te fryteve te demokracise ne Shqiperi.

Padyshim qe kjo fushate eshte nje arritje e konsiderueshme krahasuar me fushata te tjera zgjedhore. Po zhvillohet pergjithesisht ne nje klime te qete", - shtoi ai.