Publikuar me : 26.12.2011 Ne :
Politike - 85 Lexime. Origjina : Gazeta Shekulli
Presidenti Topi ka reaguar nga Durrësi në lidhje me deklaratat e bëra një ditë më parë nga kryeministri Berisha, i cili e ka sulmuar sërish duke kërkuar që të japë dorëheqjen dhe duke e akuzuar se ka shkelur Kushtetutën duke e kthyer Presidencën në një “partiçkë”.
Duke folur për mediat në përfundim të vizitës së tij në Durrës, kreu i shtetit u shpreh se në një ditë të shenjtë si Krishtlindjet, politikanët duhet të jenë kohezivë në deklaratat e tyre, duke mos harruar atë çka kanë thënë në mëngjes.
“Në këtë ditë të shenjtë, deklaratat e politikanëve duhet të jenë në kohezion me atë që deklarojnë në mëngjes. Unë rikonfirmoj qartazi dhe prerë se institucioni i presidenti mbetet institucioni që ka zbatuar Kushtetutën në mënyrën më rigoroze.
Presidenca nuk është një apendiks politik. Pavarësisht nga sa thuhet, unë jam e do të jem në detyrën time kushtetuese deri në minutën e fundit. Presidenti ushtron detyrën e tij dhe nuk jam aspak pjesë e ndonjë partie. Ju mos merrni e perifrazoni vullnetet e të tjerëve, ata që kanë frikë për të ardhmen e tyre, nuk kam faj unë nëse kthehem në obsesion të të tjerëve”, tha Topi.
Kreu i shtetit i është përgjigjur pyetjeve të medieve në lidhje me rikandidimin e tij për President duke theksuar se kjo mund të ndodh vetëm në rast të ndryshimeve kushtetuese.
“Unë e kam thënë që nuk do të rikandidoj. Vetëm nëse do të ketë ndryshime kushtetuese, që zor se do të ndodhin, pasi politikanët i druhen verdiktit popullor, unë do jem në garë”, tha Topi.
* * *
Presidenti Bamir Topi ka zgjedhur sot Kavajën për të përcjellë urimet e festave të fundvitit për gjithë shqiptarët.
Kreu i shtetit është pritur nga të paktën 2000 qytetarë të Kavajës, ndërsa më pas ka zhvilluar një takim me kryebashkiakun Elvis Roshi dhe përfaqësues të klerit mysliman në bashkinë e qytetit.
Vizita e kreut të shtetit ka vijuar në azilin e qytetit, ku Topi ka shpërndarë dhurata e urime për të moshuarit.
Presidenti ka ndaluar edhe në Durrës, ku është pritur nga kryebashkiaku Vangjush Dako.
Pas takimit në bashkinë e qytetit bregdetar, Topi nuk ka bërë asnjë deklaratë me karakter politik, ndërsa ka vijuar vizitën me një ceremoni në Pallatin e Kulturës, ku ka dhënë medalje për dy aktorët e njohur Roland Koço, Aishe Stari dhe basketbollistin Niko Prockolaj. /
M. Brunga
Kreu i grupit parlamentar të PD-së, Astrit Patozi dhe kryetari i grupit parlamentar socialist, Gramoz Ruçi
Kreu i grupit parlamentar të PD-së, dhe njëherësh pjesë e grupit të mandatuarve për negociata, Astrit Patozi, i ka dërguar një letër kryetarit të grupit parlamentar socialist, Gramoz Ruçit, ku i kërkon që të fillojnë negociatat që nesër për zgjedhjen e presidentit të ardhshëm.
“Me jemi të hapur, që duke filluar nga nesër paradite, të takohemi me...
