Tritol policise, shkaterrohen kriminelet e “B13”- se, 10 ne pranga dhe 3 ne kerkim

Publikuar me : 23.12.2011 Ne : Kronike - 65 Lexime. Origjina : Gazeta Shekulli

Policia e Sarandës bënë të ditur se është shkatërruar grupi kriminal “B13” fal një operacioni të koordinuar të policisë. “B13” akuzohet për kryerjen e një sërë vjedhjesh në këtë qytetet.

Burime nga policia bëjnë të ditur se në pranga kanë përfunduar tetë persona, pjesëtarë të grupit kriminal të quajtur “B13”, i cili akuzohet se ka vendosur tritol edhe në automjetet e disa funksionarëve të policisë së Sarandës.

Të arrestuarit janë shtetasit Armando Zholi 22 vjeç, Sentjon Lame 24 vjeç, Artan Prenga 19 vjeç, Zef Prenga 52 vjeç, Ylli Kola 17 vjeç, Sildjon Sulejmani 20 vjeç, Osman Abazi 16 vjeç dhe Kristjan Ruci 15 vjeç.

Pjestarët e grupit akuzohen se në 9 maj të vitit 2010 kanë vendosur tritol në makinën e shefit të gatshëm të policisë së Sarandës, Aleksandër Lilo, në makinën e shefit të krimeve të Sarandës Ilir Zhupa në nëntor të vitit 2010 si dhe dyshohen edhe për vendosje të tritolit tek disa funksionarë të të tjerë të policisë ndër vite.

Në kuadër të këtij operacioni janë arrestuar dhe shtetasit Erald Elezi dhe Lisjen Kazo. Ndërkohë që bëhet e ditur se Fatjon Abazi, Igli Kazo dhe Jurgen Ruci janë në kërkim prej një muaji.