Publikuar me : 23.10.2011 Ne :
Rajoni - 65 Lexime. Origjina : Gazeta Shekulli
Foto nga provinca ku ra tërmeti
500-1000 persona dyshohet të kenë mbetur të vdekur në tërmetin e rënë në provincën turke Van, në lindje të Turqisë. Tërmeti me forcë 7.3 ballë ka shkaktuar shembjen e të paktën 40 ndërtesave, ndërsa Observatori Kandilli në Stamboll vlerëson se të vdekur mund të jenë 500 deri në 1000 njerëz.
Kryeministri Erdogan është nisur urgjentisht për në provincën në kufi me Iranin. Ndërkohë, edhe zyra e shtypit e kryeministrit ka konfirmuar faktin se nga tërmeti ka të vdekur, por pa dhënë shifra.
Një tërmet prej 7.3 ballësh ka goditur provincën lindore Van në Turqi. Agjencia e shtypit Anadolu citon kryetarin e bashkisë së qytetit Ercis, Zulfikar Arapoglu: “Ka shumë të vdekur. Disa ndërtesa janë shembur, ka shkatërrim gjithandej. Na duhet ndihmë, na duhen mjekë”.
Për shkak të panikut dhe bllokimit të linjave telefonike, nuk ka të dhëna të sakta në lidhje me numrin e viktimave apo shkallën e dëmeve.
Turqia goditet shpesh nga tërmetet, për shkak të shtrirjes së saj në mes të pllakave tektonike. Dy tërmete me magnitudë mbi 7 ballë, të cilat goditën Turqinë në vitin 2009, lanë pas 20 mijë të vdekur.
Deputeti i gjakosur
Një deputet ukrainas është lënë i gjakosur shtrirë për tokë pas një sherri masiv në parlament. Dhuna nisi pasi një ligj i miratuar lejon përdorimin e gjuhës ruse në gjykatë, spital dhe institucionet e tjera në zonat ku ka banorë rusisht folës.
I plagosuri, deputeti opozitar, Mykola Petruk, u dërgua në spital pasi mori të cacra në kokë. Parlamenti i Ukrainës është kthyer shpesh në arenë boksi. Në prill të vitit 2010 pas një sherri gjashtë...
